Учениците од „Нова“ истражуваа дали играњето видео игри ги подобрува рефлексите

Дали кофеинот влијае на растот на растенијата? Која фреквенција на звукот го гаси оганот за најкратко време? Дали играњето на видео игри ги подобрува рефлексите? Ова се дел од прашањата на кои учениците од меѓународното училиште „Нова“ се обидоа да најдат одговор, а проектите ги презентираа на Саемот на наука кој се одржа вчера во оваа образовна институција.

Околу 130 деца од шесто, седмо и осмо одделение ги презентираа своите истражувања. Ова е десетто издание на традиционалниот саем на наука и досега стотици ученици во „Нова“ имаат презентирано истражувања од повеќе научни сфери.

– Со оглед дека станува збор за јубилејно издание на Саемот одлучивме да направиме пресек на претходните изданија и да им дадеме простор на учениците да реализираат проект што ќе биде инспириран од претходните теми на овој настан. Воодушевени сме од креативноста на децата и од фактот дека се избраа атрактивни теми на кои многумина би сакале да го знаат одговорот. Саемот е традиционален настан во „Нова“ и среќни сме дека токму преку него ги мотивираме нашите ученици да го продолжат образованието во универзитети што се етаблирани во полето на природните науки, велат од меѓународното училиште „Нова“.

Професорскиот и менаџерскиот тим на оваа образовна институција посочува дека со овој начин на работа им се дава можност на учениците да се впуштат во тимска работа, самостојно истражување и донесување на заклучоци врз база на добиените резултати.

Настанот секоја година се одржува под различно мото и досега биле обработени теми како: „Спортот и науката“, „Во светот на иновациите и технологијата“, „Познати научници и нивните откритија“, „Да ја заштитиме животната средина“ и „Здравјето е најголемо богатство“.


Вести

Демократски дебати неделава во САД – прва предигра за изборите во 2020 година

Пред милиони Американци неделава на првите демократски дебати ќе се појават на едно место речиси дваесетмина кандидати во трка за номинирање претстедателски кандидат од Демократската партија на изборите следната година. Иако застапуваат различна идеологија – […]

Вести

Прифатено барањето на Јанкулоска за одложување на затворската казна за „Тенк“

На поранешната министерка за внатрешни работи Гордана Јанкулоска и е прифатено барањето да и се одложи четиригодишната затворска казна за случајот „Тенк“. Како што соопшти денеска Основниот кривичен суд – Скопје, извршувањето на казната се одложува се […]

Вести

Заменик-министерот за образование Петар Атанасов поднесе оставка

Заменик-министерот за образование и наука Петар Атанасов на својот фејсбук-профил во отворено писмо до премиеот Зоран Заев и до јавноста соопшти дека поднесува оставка од функцијата. Како што вели, неговата позиција станува „неодржлива и неефективна“ […]