Туристите во Македонија во првиот квартал потрошиле 64,7 милони долари


Шеесет и четири милиони американски долари потрошиле во првите три месеци од годинава туристите на патувања во Македонија.

Девизниот прилив во овој квартал, како што соопшти Агенцијата за промоција и поддршка на туризмот, од 64,71 милион американски долари бележи раст од 26,5 проценти во споредба со тој период лани.

Според Агенцијата, континуираното зголемување на девизниот прилив од туризам во последниве години се должи на мерките и активностите што беа преземени изминатите неколку години од целиот туристички сектор во земјава.

– Една од активностите што ги релизира Агенцијата за промоција и поддршка на туризмот на Република Македонија во насока на промоција на Македонија во странски земји беше интензивирана и реализирана преку строго таргетирање на маркетинг кампања која се пласираше во таргет земјите. Со овој тип маркетинг активности Агенцијата за туризам го рекламира туристичкиот потенцијал на земјава преку туристичките капацитети, локации, знаменитости, историја, култура, традиција и гастрономија. Македонија се најде во бројни објави на светски познати магазини и интернет страни, додека интересот на информативни патувања во Македонија континуирано е во пораст. Реализацијата на турите за новинари и тур-оператори кои имаат за цел да го претстават туристичкиот потенцијал на државава важат за дополнение на промоцијата на државава, наведуваат од Агенцијата.

Во соопштението се вели дека приказната за промоцијата пласирана од страна на Агенцијата за туризам се заокружува со давање различни видови на поддршка на приватниот сектор, како и поддршка на различни проекти кои имаат за цел засилување и збогатување на туристичките содржини.

Покрај растот на девизниот прилив по основ туризам, раст бележи и бројот на посети од домашни и странски туристи за 15,1 отсто во првите пет месеци на 2018 година во споредба со истиот перод во 2017 година. Бројот на домашни туристи расте за 7,8 отсто, додека кај странските гости е во пораст за 19 отсто во истиот период. Овој тренд, како што посочуваат од Агенцијата, е проследен и со пораст во бројот на ноќевања остварени во Македонија (13,6 отсто) во периодот од април-мај 2018та година, во споредба со тој период лани.

Од Агенцијата оценуваат дека придонесот за целокупниот раст во туристичката индустрија, покрај наведените фактори, се должи и на зголемувањето на бројот на летови од и до скопскиот и охридскиот аеродром, но и модернизација на патната инфраструктура во земјава.

– Земајќи го предвид досегашниот тренд на пораст, очекувањата до крајот на 2018 година е  овој тренд да регистрира благ пораст поради зголемувањето на број на туристи кои ќе патуваат низ Македонија со автобуси или сопствени возила.


Вести

Со маска, средство за дезинфекција и дистанца, ДИК со герила акција во Скопје повика на безбедно гласање!

Караванот на Државната изборна комисија денеска беше во скопските општини Сарај, Шуто Оризари, Чаир и на плоштад „Македонија“ во центарот на Скопје со нивната герила акција. ДИК повика на безбедно гласање со делење на едукативните […]

Вести

Нови 163 случаи со Ковид-19, осум починати, 230 оздравени пациенти

– Во последните 24 часа се направени 1794 тестирања, а регистрирани се 163 нови случаи на Ковид-19 во: Скопје-87, Куманово-7, Дебар-2, Штип-10, Прилеп-3, Тетово-16, Струга-8, Охрид-1, Кавадарци-1, Демир Хисар- 1, Гостивар-8, Струмица-1, Кратово-1, Свети Николе-9, […]

Филипче: Имаме протоколи и доволно заштитна опрема за спроведување на изборите - МИА
Вести

ДИК ги повикува учесниците на изборите да ги почитуваат мерките за заштита на здравјето на граѓаните

Скопје, 8 јули 2020 () – Државната изборна комисија (ДИК) денеска ги повика сите вклучени во изборниот процес да ги почитуваат здравствените мерки, упатствата и протоколите за предвремените парламентарни избори на 15 јули. – Само […]

Биди првиот кој ќе коментира

Вашиот коментар

Твојата е-маил адреса нема да биде објавена.


*