Тимот на ФЕИТ победи на балкански инженерски натпревар


Тимот  на студентите на Факултетот за електротехника и информациски технологии (ФЕИТ) наречен „Space Divers“ победи во категоријата „Case Study“ на инженерскиот натпревар „European Best Engineering Competition“ и со тоа се пласира за учество на европската финална рунда во Торино, Италија што ќе се одржи летово.

„Case Study“ e интензивна анализа што дава конкретно решение на некој технолошки или менаџерски проблем.

– Како претставници на државата и на ФЕИТ, со знаење и тимски дух и благодарение на она што сме го научиле и добиле од Факултетот, заслужено го освоивме првото место и обезбедивме понатамошен пласман на европско ниво. Успехот што го постигнавме е и успех на самиот факултет, вели Бојан Страчковски, лидер на тимот.

За деканот на ФЕИТ, професор д-р Димитар Ташковски и оваа победа на студентите претставува доказ за вистинската едукација во рамки на Факултетот.

– Огромна чест и задоволство е да се примаат студенти кои освоиле прво место на меѓународен натпревар. Ова за нас претставува само потврда дека како Факултет успешно и правилно ги едуцираме студентите и освен теоретски, тие добиваат и практични знаења. Секако, им посакувам уште многу успеси на нашите студенти, рече Ташковски.

Натпреварот е наменет за поттикнување на креативното размислување за решавање на комплексни проблеми, и се одржува во три рунди: локална, регионална и финална рунда.

Ова е десетта година како тимовите од нашата држава учествуваат на овој натпревар.


Вести

Македонското знаме кренато пред седиштето на НАТО во Брисел

– Знамето на Северна Македонија попладнево е кренато пред седиштето на НАТО во Брисел, на церемонија со која се означи официјалното пристапувањето на земјава во Северноатлантската алијанса. Знамето беше кренато додека се интонираше химната на […]

Вести

Регистрирани 26 нови случаи на коронавирус, еден починат и девет пациенти излекувани

– Изутрината се регистрирани 26 нови случаи на коронавирус во земјата, вкупно 285 дијагностицирани пациенти. Почина еден пациент, а девет пациенти се излекувани и испишани од болничко лекување, објави на својот фејсбук профил министерот за […]

Бизнис

Бензините поевтини до денар ипол, дизелот поскап за половина денар

– Цените на бензините од полноќ се намалуваат од денар до денар ипол, а цената на дизелот и Екстра лесното масло за домаќинство се зголемува за половина денар, одлучи денеска Регулаторната комисија за енергетика. Согласно […]