Сојузот на синдикати на Македонија денеска упати писмо до Владата во кое дава целосна поддршка на Синдикатот на медиумски и информативни агенции (СМИА) и на Управниот одбор на МИА за нивните заложби за зголемување на платите.

– Во изминатиот период вработените во националниот сервис МИА се револтирани поради тоа што нивните плати не се зголемени иако за зголемување на платите како што веќе и наведовме до Влдата се обратил и Управниот одбор со барање Владата како основач да донесе одлука и да им дозволи да ги зголемат платите имајќи во предвид дека тоа е во рамки на планираните расходи за плати утврдени во Финансискиот план за 2023 година и поради фактот што за зголемување на платите не се потребни допилнителни финансиски средства од Буџетот, се вели во писмото.

Од ССМ бараат Владата да излезе во пресрет на барањата на СМИА и на Управниот и Надзорниот одбор на МИА за да се овозможи зголемување на платите на вработените за кои не се потребни дополнителни финансиски средства од Буџетот.