Проф. Котлар: На денешен ден пред 122 години во Прилеп е роден Методија Шаторов – Шарло


На денешен ден пред 122 години во Прилеп е роден Методија Шаторов – Шарло, македонски деец и револуционер, прв секретар на Покраинскиот комитет на КПМ и член на Коминтерната. Шарло се залагал за самостојна и обединета држава на македонскиот народ.

Карактеристично е неговото пишување, дека : „Мaкедонската нација се создала исторически, а неје плот на оваи или онаи… Макeдонскиот нарот води вејке 50 години организирана борба за своето постојувајне и така, Maкедонците сет отделена националност со свои јазик, култура, економическо и географическо цело исторически создадено со револуциона борба, со македонско национално освободително движеније.“ Според, архивските материјали на некогашната Коминтерна, тој е Македонец.

Шарло се смета за еден од најзаслужните за тоа што Коминтерната и Бугарската комунистичка партија своевремено го признале постоењето на македонскиот народ. Тој е еден од водачите на ВМРО (Обединета), а потоа и водач на комунистичкото движење во Македонија. Неоправдано обвинет дека во почетокот на НОБ (1941) ја присоединил македонската партиска организација кон Бугарската работничка партија и дека ги спроведувал нејзините ставови во oднос на Македонија, неговото име и активност долго време во повоениот период, се под превезот на контраверза за која не се говори јавно. Дури во 2005 година на научениот собир организиран во МАНУ, тој е рехабилитиран како македонски борец и патриот.

Неговите погледи и размислувања најдобро се изразени во неговото писмо од мај 1941 г., во кое меѓу другото, пишува: „Драги Стојане… Како резултат на војната и наша Македонија е окупирана од германски, италијански и бугарски војски. Овој факт нас нè интересуе како Македонци, који половина век сме се бореле како Македонци за национално и политичко ослобождение, како последователи на водачите и основачите на македонската внатрешна организација на чело со Гоце Делчев, Јане Сандански, Гјорче Петров, Пере Тошев и Димо Хаџи Димов… Јасно е како бел ден, оти македонците не се борат за да имат свој попови и даскали, биле тие бугарски, арнаутски или влашки. Македонците се борат за своја национална и политичка слобода. Некој македонци-врховисти сакајат да кажат оти борбата на македонците е свршена со окупацијата на Македонија од страна на германски, италијански и бугарски војски.

Дали е това истина. Не е и не може да биде, затоа што Македонија не доби национална и политическа слобода. Денеска не само Македонија, ами целио Балкански Полуостров (без турска Тракија) е окупиран од армиите на две големи империјалистички држави: Германија и Италија, со прилепените бугарски војски. Голем дел од Македонија има веќе бугарска администрација… На Македонците не се дава чиновничка служба, дури немат право да бидат селски кметови. Со право се праша секој честен Македонец: „Каква ли е оваја слобода, штом Шумадинците се заместени со Бугарија, а Македонците се држат под карантина“… Едно време беф ти пишал, оти Македонците нема ништо да спечалат од една империјалистичка војна, а ти во тија зборови се сомневаше… Како во нашио град, така туку речи во сите градови на Македонија се создадоа македонски комитети. Во тија комитети влегоја испечени врховисти, а негде и искрено мислешти и веровашти Македонци… Со други зборови беја испратени тутори, за да не би Македонците нешто да згрешат… Праша што да се чини.

Одговор е само еден: да се обединат сите Македонци и други народности во Македонија за општо своје право за слобода и рамноправност, но не цепене на македонската земја и македонскио народ. За таја своја слобода и рамноправност Македонците треба да се борат заедно со Бугарите, Хрватите, Србите, Грците и Црногорците на балканскио полуостров, затоа што судбината денеска им е еднаква.“
[Документи за борбата на македонскиот народ за самостојност и за национална држава, т. 2, УКИМ, Скопје, 349-352]

Вести

Законот на ЈО во август, ако се постигне консензус

Владата вчера на седница го усвои Предлог-законот за Јавното обвинителство и донесе одлука да биде испратен на усвојување во Собранието со европско знаме и во скратена постапка. На предлог на Министерството за правда Владата прифати […]

Вести

Хан и Рикер доаѓаат во Скопје на средби со државниот врв и со опозицијата

Еврокомесарот за проширување Јоханес Хан утре доаѓа во Скопје на средби со државниот врв и со лидери на политички партии. Хан ќе се сретне со претседателот Стево Пендаровски, со премиерот Зоран Заев и со лидерот […]

Вести

Јанева негира вмешаност во „Рекет“, тврди дека некој со сите сили сака да го урне СЈО

Специјалната обвинителка во оставка Катица Јанева вчера на прес-конференција негираше дека е вмешана во случајот „Рекет“. Обвини дека против неа и нејзиното семејство се води хајка уште од самото стапување на функцијата, со цел нејзина […]