Основното јавно обвинителство за гонење на организиран криминал и корупција, поднесе обвинение против градоначалникот на Струга, Рамиз Мерко.

Од ОЈО ГОКК на денешниот брифинг со новинарите соопштија дека обвинението е поврзано со набавката на луксузниот автомобил „ауди“, односно со злоупотреба на службена положба.

Претходно, Антикорупциската комисија во 2020 година поднесе иницијатива за кривично гонење на Мерко, но Обвинителството тогаш го затвори случајот во фаза на предистрага.

Во меѓувреме, лани САД го ставија струшкиот градоначалник на таканаречената црна листа, со што го означија како генерално неподобен за влез во Соединетите држави, поради негова вмешаност во значителна корупција.