– Во организација на тетовскиот шаховски клуб „Анпасан“ и здружението „Визион М“ утре во Тетово ќе се одржи турнир во шах за млади „Тетово шампион 2023“, кој претставува првенство за Тетово за ученици од основни и средни училишта.

-Турнирот ќе се одржи  просториите на шаховскиот клуб Анпасан. Темпо на играње е 10 минути по играч со додаток од 2 секунди по потег, почнувајќи од првиот потег. Се игра според Правилата за игра на ФИДЕ за забрзан шах (Rapid) по швајцарски систем од 7 кола, изјави Назмидин Имери, претседател на клубот „Анпасан“.

Првото коло ќе започне во 10 часот, а последното – седмо коло во 15 часот. Финалниот пласман се одредува по број на освоени поени. Во случај на ист број на освоени поени, рангирањето се определува по додатни критериуми.