ПРОЛЕТНИ ЕКО АКЦИИ НА ПОВЕЌЕ ЛОКАЦИИ ВО БИТОЛА


SONY DSC

Општина Битола и јавните претпријатија од општината, денес започнаа со низа акции за расчистување и зазеленување на градот. Денешната акција започна од просторот помеѓу паркингот кај „Новиот пазар“ и средното техничко училиште.


 

„Долго време, години наназад овој простор, беше целосно нетретиран, односно не беше расчитуван ниту од ѓубрето кое беше направено, ниту од растенијата кои низ годините го направиле своето. Денес имаме активност, заедно со сите јавни претпријатија во синхронизација со општината, со една цел, овој простор денес да биде тука исчистен, со целокупната механизација, со која располагаат овие претпријатија. Убедена сум, дека оваа ќе биде акција која што ќе ги израдува нашите сограѓани, затоа што и во изминатиот период, всушност тие покажаа дека вака просторот, како што изгледаше досега, навистина им смета. Нашата намера е цела оваа седмица да имаме низа од акции во кои ќе бидат чистени депонии, кои што се наоѓаат во градот, ќе бидат зарежувани дрвца низ градот, а исто така ќе бидат продолжени активностите со засадување на нови садници, во делот на паркот и на други локации од нашиот град. Несакаме, доаѓањето на пролетта да го означиме само со една акција, нашата политика е да имаме постојано активности на терен и мислам дека и во изминатиот период тие беа повеќе од видливи. Токму заради тоа, морам да кажам дека од целокупната работа на директорите на јавните претпријатија сум исклучително задоволна во изминатиот период и верувам дека и граѓаните го имаат истото чувство“, изјави м-р Наташа Петровска, градоначалник на Општина Битола.

Покрај континуираниот ангажман на јавните претпријатија со механизацијата со која располагаат и интервенцијата на повеќе локации, директорот на ЈП Комуналец ги повика граѓаните да се јавуваат на телефонските броеви на претпријатието: 207 400 и 207 426 и да пријавуваат локации, каде што има потреба од подигнување на гломазен и електро и електронски отпад. Во пролетната еко акција се вклучуваат и училиштата од општината, со засадување на цвеќиња, садници и други едукативни активности.

SONY DSC
SONY DSC
SONY DSC
SONY DSC
SONY DSC
SONY DSC
SONY DSC
SONY DSC