Привршува проектот за реконструкција на водоснабдителниот систем на Куманово


Привршува проектот „Реконструкција, употреба и одржување водоснабдителен систем на град Куманово“, соопштија денеска надлежните од Јавното претпријатие „Водовод “ Куманово.
Проектот опфаќа неколку фази на имплементација, меѓу кои замена на постоечката мерна опрема во Филтер станицата со нова, која е поставена на три локации во високата зона од градот. Опремата веќе е поставена и се врши сетирање на опремата.

Проектот предвидува модернизација на третманот на вода, нова мерна опрема на доводни и излезни цевководи во филтер станица, мерење на ниво во резервоари во склоп на филтер станица и на надворешните резервоари Карпош“ и Бајрам Шабани, нова мерна опрема во бунарското подрачје Митев мост, како и нова мерна опрема на дополнителни три мерни места во рамки на водоснабдителниот систем. На сите локации каде што е поставена мерната опрема во рамки на Филтер станицата и надвор од неа, предвидено е далечинско следење на промената на состојбата  на мерната опрема во однос на проток и притисок и сите тие податоци се собираат во главен СКАДА центар, кој што служи за мерење, праќање и контрола на целиот систем, изјави електроинженерот Бојан Патрушевиќ од ЈП „Водовод“

Планирана е изведба на СКАДА систем со кој далечински ќе се следат параметрите за утврдување на количината на испорачаната и фактурираната вода. Во рамки на овој проект предвидено е и оспособување на две простории што ќе се користат за баждарење и пескарење водомери.

– Информирани сме од инвеститорот Министерството за транспорт и врски и изведувачот на опремата ЦМЦ Груп“ дека проектот ќе заврши во предвидениот рок, додава Петрушевиќ.

 Кумановски „Водовод“ аплицираше за овој проект во Министерството за транспорт и врски во 2014 година. Проектот беше одобрен во 2018 година, а одвоени се 861.500 евра, средства обезбедени од Европската инвестициска банка.

Балкан

Будимпешта: Балканските држави заслужуваат шанса за членство во ЕУ

Европската унија им должи на балканските земји да им даде шанса да се приклучат кон Унијата, изјави во Стразбур европратеникот од редовите на унгарската партија Фидес, Балаж Хидвеги, додавајќи дека проширувањето на Балканот е клучна […]

Вести

Институт „Крсте Мисирков“: Прашањето за македонскиот јазик е апсолвирано, негирањето е свесна провокација

Институтот за македонски јазик „Крсте Мисирков“-Скопје соопшти дека остро реагира и сериозно се спротивставува на ставот на Бугарската академија на науките во врска со постоењето на македонскиот јазик и на македонското писмо. Во реакцијата Институтот […]

Вести

Максим Ацевски избран за главен државен ревизор

Собранието на денешната седница го избра Максим Ацевски за главен државен ревизор, на предлог на собраниската Комисија за прашања на изборите и именувањата. Одкуката за изборот на Ацевски беше донесена едногласно со 81 глас „за“. […]