Пожарникарите го одбележаа Денот на пожарникарството во вонредни околности



Пожарникарите го одбележаа Денот на пожарникарството во вонредни околности - МИА

Скопје, 20 мај 2020 () – Противпожарните служби во државата денеска во вонредни околности поради пандемијата со КОВИД -19 го одбележуваа 20 Мај – Денот на пожарникарството.

Во кругот на станицата на противпожарната бригада во Автокоманда, скопскиот градоначалник Петре Шилегов најави доопремување на Територијалната противпожарна единица со нова противпожарна скала. Во тек е и постапката за набавка на три нови противпожарни возила.

–  Ова се само дел од тековните потреби на Противпожарната бригада. Знаеме дека на Бригадата за противпожарна бригада и е потребна нова опрема согласно европските стандарди и затоа во континуитет вложуваме во овој потенцијал. Бригадата за противпожарна заштита од минатата година е побогата со 29 нови пожарникари, а работиме и на тоа да обезбедиме нови вработувања и годинава, иако овој процес заради изборите и поради епидемијата е малку забавен, рече Шилегов.

Додаде дека се работи и на конечното регулирање на прекувремените саати и на надминување на проблемите дефинирани од синдикалните организации на пожарникарите.

– Со секое вложување во техничката опрема и човечките капацитети во Противпожарната бригада работиме на создавање на услови за поголема безбедност на граѓаните. Заштитата од пожари и безбедноста на граѓаните е од витално значење за нашето Скопје, секој спасен живот на наш сограѓанин е бесценет, а без вас ова е невозможна мисија.  Вие сте хероите на градот, нашата гордост и гаранција за нашиот безбеден живот. Продолжете во таа насока за нашето Скопје, за секој од нас поединечно, порача Шилегов.

Како дел од модернизацијата на противпожарната единица на Скопје е и заменетата 35 години аналогна централа со нова дигитална централа.

Командантот на Територијалната противпожарна единица на Град Скопје, Владимир Симоновски честитајќи им го на своите колеги денешниот ден порача дека пожарникарите остануваат посветени на потребите на граѓаните.

 

Одбележување на денот на пожарникарите

Posted by MИА.mk on Среда, 20 мај 2020

 


Вести

Владата одобри организација на продолжен престој на учениците во основните училишта

Владата на денешната 7-ма седница одобри организација на продолжен престој на учениците во основните училишта за одделенијата кои ќе започнат настава со физичко присуство, со препорака продолжениот престој да се организира и реализира со ученици […]

Вести

Спроведување на Јанкулоска е надвор од законската процедура, смета адвокатка Алексиќ

– Адвокатка на Гордана Јанкулоска, Сања Алексиќ  денеска пред новинарите изјави дека спроведување на Јанкулоска е надвор од секоја законска процедура од причина што таа е оневозможена  да  побара одлагање на издржувањето на казната по било кој друг […]

Бизнис и економија

Онлајн дискусија: За ефективни министри потребни се интегритет, работа и тим и вложување во администрацијата

– Три елементи се клучни за да понудиме резлтат во која било област што ја работиме – интегритет, работа и тим, потребно е и чувство дека како Министерство за одбрана сме дел од еден тим кој […]