Паркингот на Водно во текот на викендот го искористиле 374 возила


Паркингот на Водно викендов го искористиле 372 возила - МИА

Скопје, 14 септември 2020 () – Паркингот на Водно во текот на овој викенд го искористиле 374 возила, според бројот на испратени СМС пораки, соопшти Град Скопје.


 

Оттаму посочија дека како дел од континуираните заложби да се овозможи безбедно рекреирање на пешаците и на велосипедистите во деновите кога е најпосетено Водно, Градот Скопје и јавното претпријатие „Градски паркинг“ воведоа зонско паркирање на паркиралиштата на Средно Водно.

– Паркирањето се наплаќа за време на државните празници и за викендите од 9 до 16 часот. Цената за првиот час паркирање изнесува 100 денари, а секој нареден час – 50 денари. На паркиралиштата е поставена соодветна хоризонтална и вертикална сигнализација, како и информативни табли. Паркирањето е бесплатно за хендикепираните лица, како и за туристичките автобуси, а паркирањето во зеленило се санкционира, се наведува во соопштението.

Градот Скопје апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.