Од јавните површини во Скопје ќе бидат отстранети 240 рекламни објекти


од јавните површини во Скопје ќе бидат отстранети 240 рекламни објекти - МИА

Скопје, 21 мај 2020 () – Градоначалникот на Град Скопје на денешната прес-конфенреција истакна дека постигнале договор со компаниите што се занимаваат со закуп на рекламен простор, во делот на билборди и ситилајти, доброволно да отстранат вкупно 240 рекламни објекти од јавните површини во Скопје и покрај тоа што во минатото имаат склучено договор со градот за што платиле извесен надомест.

– Се работи за 120 билборди и 120 ситилајти кои биле легално поставени во најголем дел на тротоари, пешачки површини, велосипедски патеки и други јавни површини и на тој начин го ограничувале движењето на пешаците и велосипедистите со што ја намалувале и безбедноста на целокупниот сообраќај. Со тоа првата зона од централното градско подрачје целосно ја ослободуваме од поставените рекламни објекти, а го намалуваме нивниот број и во останатите зони, наведе Шилегов.

Градоначалникот на Град Скопје образложи дека на првата наредна седница на Советот ќе донесат одлука за ослободување на компаниите за закуп на рекламен простор од надоместокот што му го плаќаат на Град Скопје за период од три месеци, но и намалување на 20 отсто од месечната закупнина во понатамошниот период.

– Скопје за жал важеше за град со најгусто поставени рекламни објекти на јавни површини, од кои добар дел се наоѓале на локации каде што не е нормално да бидат (на велопатека или тротоар, на пример). На општо задоволство ваквите слики веќе нема да бидат дел од имиџот на нашиот град, нагласи Шилегов.

Тој посочи дека, покрај легално поставените рекламни објекти, на повеќе локации во градот забележани се и нелегално поставени рекламни објекти што во претстојниот период, исто така, ќе бидат отстранети во соодветна процедура за постапување со нив.

 


Набрзо нов пристап до инфективната клиника, ПЕТ центарот ставен во функција - МИА
Вести

Новите 24 случаи со Ковид-19 во Скопје се од општините Бутел, Сарај, Чаир, Аеродром, Студеничани, Гази Баба, Шуто Оризари, Кисела Вода и Карпош

Скопје, 28 мај 2020 () – Од вкупно дијагностицираните нови 38 случаи со Ковид-19, според денеска објавените податоци, 24 се од Скопје. Како што информираа за од Министерството за здравство, согласно податоците од Институтот за […]

Регистрирани девет нови случаи со коронавирус во Прилеп и први два случаи во Крушево - МИА
Вести

Нови 38 случаи на Ковид -19, тројца починати

Скопје, 28 мај 2020 () – Министерството за здравство информира дека во изминатите 24 часа се регистрирани 38 нови лица позитивни на коронавирусот и 16 оздравени пациенти. Во овој период починале два лица, а кај […]

Чулев: Да бидеме мудри, сочувствителни, кооперативни истрајувајќи и победувајќи го премрежието со кое што човештвото се соочува - МИА
Вести

Чулев: АНБ се уште е дел од системот за следење на комуникации

Скопје, 28 мај 2020 () – Начинот на кој е формирана Агенцијата за национална безбедност (АНБ) и неотстранувањето на посредничката улога на АНБ при следењето на комуникациите, говори дека реформите на безбедносниот систем се само […]