Нов случај со Ковид-19 во гостиварско



Нов случај со Ковид-19 во гостиварско - МИА

Гостивар, 4 јуни 2020 () – Со последните тестирања за откривање на новоинфицирани со коронавирусот во гостиварскиот регион, потврден е нов случај. Позитивен резултат на Ковид-19 имал жител на селото Неготино Полошко, општина Врапчиште. За денеска околу пладне е закажан вонреден состанок на Кризниот штаб на кој ќе се разгледа актуелната состојба и се очекува да бидат донесени заклучоци со препораги за граѓаните.


 

Според информациите на меѓуопштинскиот кризен штаб за општините Гостивар, Врапчиште, Маврово и Ростуше, до денеска има 12 активни случаи од кои седум во гостиварската општина, пет во Врапчиште и ниту еден во Маврово и Ростуше.

Петмина се лекуваат во болнички услови, а останатите кои се без симптоми се дома. Епидемилозите издале решенија и препорачале самоизолација на дваесетина лица. Тоа се главно лица кои имале контакти со брачниот пар од селото Чегране, каде се регистирирани вкупно пет лица.

Во меѓувреме се прават анкети и тестирања, а спроведена е и дезинфекција на објектот на ЈП Комуналец, според епидемиолошките протоколи.

Од почетокот на пандемијата, во гостиварско направени се 404 тестирања, а кај 30 случаи имаше позитивни резултати. Од последици од Ковид-19 во гостиварско починаа три лица.