Велешката компанија БРАКО помогна со финансиска помош од 1 милион денари за побрзо спроведување на проектите на територија на општина Велес. Општината ја искористи донацијата за побрзо и поефикасно  да спроведе постапката за повеќе инвестиции во градот кои се во интерес на граѓаните.

Со финансиската помош беа изготвени основни, идејни и урбанистички проекти за реконструкција на младинскиот парк во Велес, за спортското игралиште во населба Тунел, за противпожарниот дом, за основното училиште во с. Црквино, за изградба на катна гаража, за пешачка патека, урбана опрема и улично осветлување на  езеро Младост и за инфраструктура за улицата Декада на Роми.

Со донацијата од БРАКО, општината ангажираше фирма за проектирање, урбанизам и инженеринг која во краток временски период ја изготви документацијата за планираните проекти, што во минатото беше фаза која значајно го одолжуваше и забавуваше реализирањето на општинските инвестиции во Велес.

БРАКО останува посветен на помагање на заедницата и вложување во подобри услови за граѓаните на Велес.