Одбрани 16 идеи на хакатонот за решенија за општинските предизвици

Хакатон за поддршка на локалните таленти во надминување на општинските предизвици отворен за сите претприемачи во државата се одржува денеска, а ќе продолжи и утре во организација на Програмата за развој на Обединетите нации (УНДП) и Лабораторијата за иновации од Тел Авив- Израел „Креаторс“. Настанот отвора нови перспективи, можности и партнерства меѓу општините и приватниот сектор. Првите три општини-партнери во пилот проектот се Велес, Гостивар и Струмица.

Како што информира постојата претставничка на УНДП Нарине Сахакјан, за еден месец примиле повеќе од 40 апликации и работејќи со тимовите одбрале 16 интересни идеи на кои ќе работат за понатаму да бидат применети.

– Навистина треба да верувате дека идејата што ја имате денес ќе ја понесе вашата земја кон иднината што сакате да ја видите и граѓаните што сакате да ги видите. Ова е неверојатна земја со богата култура, историја и добро образовани луѓе. Сите елементи се тука така што навистина треба да веруваме дека ова е мала интервенција што ја правиме за многу поголем резултат. Ова ќе го приближи сонот оваа земја да има иднината што сакате да ја видите за вас, за вашите семејства или за вашите деца, рече Сахакјан.

Министерот за локална самоуправа Горан Милевски посочи дека во време на динамичен технолошки развој јавниот сектор треба да ги користи иновативните начини во обезбедувањето на услугите што ги нудат на граѓаните. Граѓаните од своја страна, додаде тој, бараат брзи, квалитетни и активни услуги. Одговорност на локалните власти, пак, како што рече, е да го најдат најдобриот начин и да обезбедат најдобри решенија.

– Развојните перспективи се бараат во паметни решенија за паметни градови каде податоците во општината ќе се користат за да се подобрат услугите. Со анализа на податоците да се согледаат потребите на населението за да може градот да се прилагоди на потребите на своите граѓани, а не обратно. Едноставно кажано: планирај согласно потребите на граѓаните заедно со граѓаните, рече Милевски.

Ова, како што дополни тој, е почеток на реализација на еден нов предизвик кој очекува дека ќе ги мотивира младите и амбициозните претприемачи кои имаат знаење и конкурентски дух.Тој им посака на учесниците многу успех и нови партнерства за нови решенија.

Хакатонот им нуди на сите што ќе изнајдат иновативни и ефективни решенија можност да ги имплементираат и пилотираат. Вкупниот буџет изнесува 40,000 долари, а за решенијата што ќе се покажат како успешни во една општина, ќе се понуди и поддршка за репликација и во други општини.

Настанот е дел од поголема програма „Подобрување на општински услуги“ што ја спроведува УНДП во партнерство со Министерството за локална самоуправа, а е финансирана од Европската Унија.

Вести

Државниот инспекторат постапува по екоинцидентот во Вардар, познат предизвикувачот

Државниот инспекторат за животна средина денеска изврши вонреден инспекциски надзор во комплексот на поранешна Железарница кај три правни субјекти Макстил А.Д, ЕСМ-Подружница Енергетика, Скопје и Арцелор Митал преземен од Либерти Хаус Груп, поради вчерашното загадување […]

Вести

Антикорупциска ќе поднесе жалба на одлуката на Управниот суд за Ѓорге Иванов

Државната комисија за спречување на корупцијата ќе поднесе жалба на одлуката на Управниот суд, што пресуди во полза на поранешниот претседател Ѓорге Иванов. Тој поднесе тужба против ДКСК, која поведе прекршочна постапка против него за […]

Вести

Работните групи не постигнаа договор за законот за Јавно обвинителство 

Работните групи во врска со законот за Јавно обвинителство денеска одржаа куса средба на која не беше постигнат договор. Како што посочија министерката за правда Рената Дескоска и пратеникот Антонио Милошоски од ВМРО-ДПМНЕ, меѓу нив […]