Николовски најави наскоро обесштетување од јулското невреме

– Владата води посебна грижа за тутунопроизводителите преку зголемени субвенции, а оштетените земјоделци од јулското невреме во најбрз можен законски рок ќе дознаат како ќе бидат обесштетени, изјави министерот за земјоделство, шумарство и водостопанство Љупчо Николовски по денешната посета на Прилеп.

Николовски се сретна со земјоделците во Канатларци и во оштетените реони на Мало и Големо Коњари.

– Токму преку оваа значајна земјоделска гранка годишно обезбедуваме 100 милиони евра девизен прилив. Затоа Владата ја донесе историската и значајна одлука за зголемување на субвенциите. Го воведовме концептот и моделот на субвенционирање на три нивоа, за прва класа 80, за втора 70 и 60 денари за килограм за трета, четврта и за дополнителните класи. На тој начин дополнителни пет милиона евра е зголемувањето на субвенциите кои ги добија тутунопроизводителите, почнувајќи од оваа година. Навремено на тутунарите им беа исплатени 28 милиона евра, кога им се најпотребни на 26.000 семејства, изјави Николовски.

Оцени и дека последната реколта е историски највисока, а се постигна цена од 217 денари за килограм откупен тутун.

Според министерот, во процедура е новиот закон за тутун што ќе значи  административно олеснување за земјоделците.

Во врска со обесштетувањето од јулското невреме, Николовски информира дека Извештајот на прилепската комисија која ги процени штетите на околу три милона евра ќе стигне во меѓувладината комисија.

– Прилеп е исчистен, платени се сите штети за кои нема никаков проблем во 2018 година. Овде станува збор за постапка која е иницирана од општина Прилеп. Денеска е завршена постапката во општината, извештајот ќе стигне во меѓувладината комисија, по процените на Бирото за судски вештачења, владата ќе го определи процентот за исплата согласно со Законот за заштита и спасување и верувам, како што ја забрзавме постапката за исплата на штетите за 2017 година и ја завршивме, дека и овде станува збор за постапка во целост испочитувана со Законот. Нема неправилности, ниту нејаснотии, како што се случуваше во 2015 и 2016 година кои ги наследивме и сметам дека оваа работа брзо ќе биде завршена и граѓаните ќе бидат обештетени согласно со владините одлуки, рече министерот.

И во Прилепско потенцира дека за сите земјоделци е битно влегувањето во ЕУ кое ќе донесе голем пазар и повисоки откупни цени.

– ЕУ одделува 40 проценти од својот буџет токму за секторот земјоделство. Затоа, 30 септември е многу битен за тутунопроизводителите, за земјоделците, за сите граѓани за да го направиме овој крупен исчекор со кој ќе дојдеме до повисоки откупни цени, до сигурен пласман, до зголемен извоз и до зголемен број вработувања во целиот сектор со влезот на Македонија на пазарот од 500 милиони граѓани на ЕУ, изјави министерот.

Тој ја посети и Подрачната единица на Министерството во Прилеп и се сретна со прилепскиот градоначалник Илија Јованоски.

Јованоски рече дека првпат локалната самоуправа ќе одвои средства за обесштетување на земјоделците од јулското невреме.

Вести

Судењето за „27 април“ продолжува со завршни зборови на обвинетите

Во Кривичниот суд во Скопје продолжува судењето за случувањата во Собранието на 27 април 2017 година. Вчера завршни зборови дадоа дел од обвинетите. Судскиот процес започна во август минатата година и го води Добрила Кацарска, […]

Балкан

„Блиц“: САД подготвени на поекстремни потези кон Приштина

По одбивањето на Приштина да ги повлече таксите за производи од Србија, САД се подготвени на поекстремни потези, кои би требало да ги погодат директно политичките лидери на косовските Албанци и нивните главни проекти, пишува […]

Вести

Завршни зборови на одбраната на „Титаник 2“

Во Кривичниот суд за денеска е закажано ново рочиште за случајот за изборни нерегуларности на локалните избори во 2013 година „Титаник 2“ на кое завршни зборови треба да дава одбраната. Во „Титаник 2“ обвинети се лидерот […]

Вести

Нов состанок на Мешовитата македонско-бугарска експертска комисија

Дали да се препорача заедничко чествување на Цар Самоил, Гоце Делчев, Илинденското востание се меѓу личностите и настаните за кои ќе се дебатира  на четвртиот состанок на Мешовитата македонско-бугарска експертска комисија за историски и образовни […]

Вести

Заев и Ахмети ќе се обидат да најдат заеднички кандидат за претседател

Премиерот и лидер на СДСМ Зоран Заев и лидерот на ДУИ Али Ахмети на денешната средба во Клубот на пратениците заклучиле да направат обид да се најде заедничка личност за кандидат за претседател на државата. Заев […]

Бизнис

Бензините поскапуваат, дизелот останува ист

Од полноќ поскапуваат бензините, а цената на дизелот останува иста, одлучи денеска Регулаторната комисија за енергетика. Согласно одлуката, новата цена на Еуросупер БС-95 се зголемува за пола денар, а Еуросупер БС-98 за еден денар. Така, […]

Интересно

„Квин“ ќе настапи во живо на доделувањето на Оскарите

Британскиот рок-бенд „Квин“ ќе настапи во живо на доделувањето на Оскарите в недела, објавија вчера организаторите. Биографскиот филм за славниот пејач Фреди Меркјури, „Боемска рапсодија“, има повеќе номинации. Годинава навршуваат 28 години од смртта на […]

Интересно

Пијана жена повикала пожарникари да ѝ ја изгасат „душата која ѝ гори“

Во Уфа, престолнината на руската автономна Република Башкирија, пијана жена се јавила во противпожарната служба и ги повикала пожарникарите за ѝ ја изгаснат „душата која ѝ гори“. Видеото, снимено од пожарникари, се појави и на социјалните […]

Интересно

Портокалови алигатори повторно се појавија во САД

Два портокалови алигатора се забележани на плажата Сајпрус Рич во американската сојузна држава Јужна Каролина. Ова се случува само две години откако друг портокалов алигатор го изненади целиот свет. Необичната боја на животните повторно предизвика […]

Be the first to comment

Leave a Reply

Your email address will not be published.


*