Матка е добитник на наградата „Музеј на годината“


Изложбениот центар Матка е добитник на наградата „Музеј на годината“ која ја доделува ICOM (International Council of Museums) – Македонија. Наградата се доделува по повод 18 Мај – Меѓународниот ден на музеите за особени достигнувања во музејската дејност за 2017 година.


 

ЕВН Македонија изложбениот центар Матка го отвори минатата година и до сега го посетија над 7.000 посетители. Во Македонија ова е прв центар кој се бави со техничките науки, се служи со модерен музејски пристап и чија содржина е претставена на забавен и интерактивен начин. На проектот му претходеше интензивна истражувачка работа, а во изложбата денес можат да се видат оригинални стари предмети, архивски материјали, филмови, фотографии, интервјуа и интерактивни модели изработени

специјално за оваа намена од кои посетителите можат многу да научат испробувајќи ги нивните функции и можности.

Изложбениот центар Матка е отворен секој ден освен понеделник од 10 до 15 часот.

ICOM е најголема меѓународна организација на музејски работници која е присутна во 136 земји и ја сочинуваат повеќе од 35.000 членови. Македонскиот огранок на комитетот е формиран во 1993 година и оттогаш поставува професионални стандарди кои придонесуваат за создавање на квалитетна музејска дејност.