„Борбата за Македонија ја започнуваме во Струмица, во т.н. „бастион на заевизмот“ со јасна порака: СДС мора да биде поразен и засекогаш заменет како доминантната партија во левиот политички спектар“, извести партијата Левица.

Оттука, велат, „ќе одекне повикот на новото време и на враќањето на достоинството на Република Македонија“.

Како што информираат од Левица, на 4 април, со почеток од 19:30 часот, свое обраќање во Домот на културата „Антон Панов“ – Струмица ќе имаат кандидатката за претседател на Република Македонија, проф. д-р Билјана Ванковска, претседателот на Левица и носител на ИЕ 1, проф. д-р Димитар Апасиев, како и носителот на ИЕ 4, Сашко Јанчев.