Летна школа по мајчин јазик за децата од дијаспората


Во наредните седум дена, 50 деца од Шведска, Германија, Австрија, Данска, Хрватска, Швајцарија и други земји ќе имаат можност заедно да учат, другаруваат и да ја запознат македонската историја, традиција, култура и јазик.

Децата учествуваат на традиционалната Летна школа по мајчин јазик за децата од дијаспората, по потекло од Република Северна Македонија, во организација на Агенцијата за иселеништво.

Како што соопшти Агенцијата за иселеништво, од 19 до 21 јули годнава во Конгресниот центар во Охрид се одржа Форум на наставници кои реализираат настава по македонски и албански јазик во иселеништвото.

На Форумот, кој е во организација на Агенцијата за иселеништво, учествувале 12 наставници од Берлин, Мелбурн, Панчево, Нови Сад, Загреб, Франкфурт, Мајнц, Локарно, Копенхаген и Осло. 

– Првиот работен ден наставниците имаа излагања за состојбата на наставата по мајчин јазик во дијаспората (позитивните страни, недостатоците и потешкотиите со кои се соочуваат  во својата воспитно-образовна работа) во присуство на директорот на Агенцијата за иселеништво Никола Шалваринов, раководителот на одделението за култура Дора Ангелова, претставник од Министерството за образование и наука и советници од Бирото за развој на образованието, се вели во соопштението од Агенцијата за иселеништво.

Во рамки на Форумот спроведена е обука за наставниците на тема „Планирање и реализација на наставата по мајчин јазик и културно наследство на Република Северна Македонија за образование на децата од дијаспората“. Последниот ден од Форумот наставниците донесоа заклучоци и предлози кои, како што се наведува, како официјален документ ќе бидат проследени до соодветни институции.

Учесниците на обуката се стекнаа со сертификати од Бирото за развој на образованието и Агенцијата за иселеништво. 

Вести

По 100 години Германија воведува воени рабини

Германската влада денеска донесе одлука да  врати рабини во воена служба по повеќе од 100 години, како што беше предложено претходно од централниот Совет на Евреите. „Денеска ние дадовме важен пример на нашите еврејски војници“, […]

Вести

ВМРО-ДПМНЕ најави амандмани на Законот за јазиците, партиите на Албанците против негова измена

Пратеничката група на ВМРО-ДПМНЕ најави дека многу скоро ќе поднесе амандмани на Законот за употреба на јазиците, со кои, како што велат од партијата, ќе значат негово усогласување со препораките на Венецијанската комисија. Претседателот на […]

Вести

Илиевски најави кривична за Инспекцискиот совет зашто не постапил по одлуката на Антикорупциска

Инспекцискиот совет кој е формиран од Владата работи контра Антикорупциската комисија во однос на донесената одлука за поведување дициплинска постапка против главниот просветен инспектор Африм Салиу. Тоа е незаконито, несовесно и непрофесионално работење на претседателката […]