Летањето – убавина што треба да се доживее

Чувството да се лета е неописливо, тоа е убавина што треба да се доживее, но посебно е чувството да се обучи млад човек, да се пренесе знаењето на помладите генерации, вели Драган Саздовски, инструктор и управител во Аероклубот Куманово. Клубот под ова име функционира веќе трета година, а се смета за наследник на клубот „Доне Божинов“, што опстојувал со години наназад. Група млади луѓе од повеќе градови од Македонија овие есенски денови го посетија аеродромот „Аџитепе“ за да се запознаат со клубот. Некои од нив се возеа со авионот, а некои со едрилицата. Велат дека чувството е неописливо, особено беа воодушевени од тишината во едрилицата, која лебди неколку минути над просторот на Аџитепе.
Дваесет и петгодишниот млад пилот Благоја Додевски го вози авионот, што со јаже е поврзан со едрилицата. Во неа се инструкторот Саздовски и 29-годишниот Мартин Паневски, кој се обучува во клубот. По полетувањето, авионот и едрилицата ја постигнуваат потребната височина, по што се отпушта јажето и едрилицата останува да лебди во воздухот.

Двајцата млади членови на овој клуб, Додевски и Паневски, велат дека се вљубиле во летањето поради адреналинот и можноста за стекнување нови искуства. Она што го истакнуваат е дека во леталата се чувствуваат како птици. Неретко друштво им прават соколите, кои се движат по истите воздушни линии како и едрилицата. И панорамата воодушевува, велат младите членови на клубот. Колку повеќе леташ, толку повеќе го сакаш летањето, порачуваат тие, иако, велат, секој лет е поинакво искуство.

Клубот е отворен за да ги прибере кадрите кои сакаат да се обучуваат за пилоти на едрилици, за пилоти на авион и за падобранци, што функционирало во минатото, сега е во пауза и штом ќе се создадат услови, додаваат од клубот, ќе се продолжи и со оваа обука. Во моментов има четворица кандидати за пилоти за едрилица и тројца за пилоти на авиони. Оние кои сакаат да се едуцираат мора да имаат 17 години и да се во добра здравствена состојба. Пред да се почне со практична настава, потребно е да се помине теоретскиот дел што опфаќа група предмети, меѓу кои метеорологија, механика на авиони, правила и прописи, по што следува полагање, а потоа и практичен дел, односно 61 старт полетување и слетување.

-Едрилиците се двоседи, инструкторот и ученикот имаат исти команди, за да се следи состојбата, нешто слично како што се учи да се вози автомобил со инструктор, вели Саздовски. Тој обучил над 40-тина млади, дел од нив успешни пилоти во Армијата, во стопанската авијација, во патничката авијација. Самиот почнал да лета од 1970 година, кога имал 17 години.

Младите обично можат сами да управуваат по 45-50 часа. За да станат инструктори, потребни им се најмалку 200 часа акробатско летање, летање под покривач, по што мора да полагаат пред државна комисија во Агенцијата за цивилно воздухопловство. Клубот во Куманово обучува кадри од целата држава и од други држави. Безброј трофеи и медали сведочат за успесите на кумановскиот клуб.

Аеродромот Аџитепе првпат се споменува во пишани документи во 1928 година, а клубот почнал да функционира во 1948 година. Тогаш со едрилици се летало по пет-десет секунди. Пистата на Аџитепе е долга 2.050 метри, а во употреба се 1.000 метри должина на 100 метри ширина. Клубот е отворен секој ден и секој може да доживее да лета и панорамски да ужива во погледот и во висините на сокол.

Александра Максимовска

Вести

Ново привремено затворање на патот Качаник – граница со Македонија

Министерството за инфраструктура на Косово информира дека поради изведување градежни работи на автопатот Приштина – Скопје, привремено ќе биде затворен регионалниот пат Качаник – Генерал Јанковиќ, односно до преминот Блаце на границата со Македонија, јави […]

Балкан

Турски воени авиони го пресретнале хеликоптерот со кој патувал Ципрас

За време на патувањето на премиерот на Грција, Алексис Ципрас кон островот Агатониси, што се наоѓа во близина на Турција, по повод грчкиот национален празник, турски воени авиони го нарушиле грчкиот воздушен простор и го […]

Вести

Утврден редоследот на кандидатите за градоначалник на Охрид, Ново Село и Дебар

Партиите кои поднесоа кандидатури за предвремени избори за градоначалници на Охрид, Ново Село и Дебар, денеска во ДИК со жрепка ги добија редните броеви под кои ќе се најдат нивните кандидати на гласачкото ливче. Предвремените […]

Вести

Смартфон кој издржува 50 дена со едно полнење (видео)

Новиот паметен телефон на релативно непознатата компанија Авенир телеком, може да издржи и 50 дена со едно полнење, а се вика „Енерџајзер пауер макс П18-К“. Уредот има бaтepијa oд 18.000 милиампер-часови што му го дозволува тоa, […]

Вести

Неофит: Ќе направиме се за целосна радост на нашите македонски браќа

Бугарската православна црква ќе продолжи да помага за решавање на статусот на македонската црква, најави денеска бугарскиот патријарх Неофит. – Важно беше да се утврди името на државата и верувам дека постепено ќе одиме кон […]

Вести

Продолжува судењето за „Титаник“ на СЈО

Во Кривичниот суд во Скопје денеска треба да продолжи судењето за случајот „Титаник“ на Специјалното јавно обвинителство во врска со изборни нерегуларности. Претседател на судечки совет е судијата Осман Шабани, а застапник на обвинението е […]

Интересно

Џенифер Лопез и Алекс Родригез во реклама за очила за сонце

Новопечените свршеници Џенифер Лопез и Алекс Родригез се поврзаа и во модниот свет, за новата кампања за очила за сонце на брендот Квеј Австралија. – Квеј Австралија е еден од моите омилени брендови откако ги […]

Интересно

Безжичните слушалки на Епл може да предизвикаат рак

Безжичните слушалки Ерподс на Епл, како и другите безжични додатоци на паметните уреди, може да предизвикаат рак, сметаат стручните лица од Универзитетот Беркли. Според д-р Џоел Московиц, тие технолошки уреди „комуницираат меѓу себе користејќи поле за […]

Вести

Смартфон кој издржува 50 дена со едно полнење (видео)

Новиот паметен телефон на релативно непознатата компанија Авенир телеком, може да издржи и 50 дена со едно полнење, а се вика „Енерџајзер пауер макс П18-К“. Уредот има бaтepијa oд 18.000 милиампер-часови што му го дозволува тоa, […]

Be the first to comment

Leave a Reply

Your email address will not be published.


*