Ковид-19 зема замав, рекорден број новозаболени и оздравени во државава


На Кипар нема нов случаи на Ковид-19, вo Грција 19 - МИА

Скопје, 11 јули 2020 () – Највисок број новозаразени со коронавирусот регистрираше вчера Институтот за јавно здравје. Со новоевидентираните 205 случаи од кои повторно најмногу има во Скопје, вкупниот број новозаболени од почетокот на епидемијата, досега, во државава достигна 7.777.

Според податоците, регистрирани се и рекордни 336 оздравени, чиј вкупен број изнесува 3.960, а вкупно се починати 368 пациенти.

Меѓу оздравените е и 20 – годишен пациент кај кого коронавирусот предизвикал воспаление на мозокот. Ова е шестти познат случај во светот каде Ковид-19 развил ваква клиничка слика, велат докторите од Градската општа болница „8 Септември“ кои му го спасиле животот на младиот човек.

– Ова е реткост во светот и убава вест меѓу медицинските работници во установата кои со месеци секојдневно водат битки со Ковид-19. Тие се надеваат дека новиот ден ќе донесе помалку ново заболени. Вирусот е непредвидлив. Чувајте се, почитувајте ги мерките и заштитете се. Денеска, за првпат се регистрирани рекорди 336 оздравени пациенти, објави на својот ФБ профил министерот за здравство Венко Филипче.

Тој посочува дека се радува на секој излекуван пациент.

– Заедно ќе ја добиеме битката со Ковид-19! Да ги почитуваме мерките за заштита. Само со носење на заштитна маска, одржување дистанца и често миење на рацете ќе го спречиме ширењето на вирусот. Знам дека ќе успееме и ќе победиме, напиша Филипче.

Бројот на активни случаи во државава изнесува 3.449 од кои најголем број – 1.871 се во Скопје, а потоа следат Тетово со 324 случаи, Куманово со 164 случаи, Штип со 161 случај, Струга со 147 случаи…

На Инфективната клиника вкупно се хоспитализирани 92 пациенти од кои на кислородна поддршка се 59 пациенти, нема пациенти на респираторна машина. Во ГОБ „8 Септември“ се хоспитализирани 96 пациенти од кои на респираторна машина се четворица пациенти. Во болницата во Козле се хоспитализирани 19 возрасни пациенти, две деца, а едно е суспектно на вирусот.

Во болницата во Битола се хоспитализирани 41, а во болницата во Штип се хоспитализирани 46 пациенти. На инфективните одделенија во Тетово, Охрид, Велес, Куманово, Прилеп, Гостивар и Струмица се хоспитализирани 112 пациенти – позитивни и сомнителни на Ковид-19.

 


Вести

Осумдесет и осум нови случаи на заболени од Ковид-19, шестмина починати и 113 оздравени

Скопје, 5 август 2020 () – Осумдесет и осум случаи на заболени од Ковид-19 се регистрирани изминатите 24 часа, шест лица починаа, а 113 се оздравени. Направени се 1507 тестирања, а од новорегистрираните случаи 23 […]

Вести

Во експлозијата во Бејрут загинаа најмалку 78 луѓе, а околу 4.000 се повредени

Бејрут, 5 август 2020 () – Најмалку 78 лица загинаа, а околу 4.000 се повредени во  експлозијата што вчера се случи во пристаништето во центарот на Бејрут, соопштија либанските власти. Тој дел од градот е […]

Пет починати, нови 75 заразени и казни за непочитувачите на протоколите против Ковид-19 во Охрид - МИА
Вести

Пет починати, нови 75 заразени и казни за непочитувачите на протоколите против Ковид-19 во Охрид

Скопје, 5 август 2020 () – Нови 75 случаи позитивни на коронавирусот вчера беа регистрирани од направени 830 тестирања. Во претходното деноноќие беа регистрирани и пет смртни случаи, а оздравени 136 пациенти. Во земјата досега […]

Биди првиот кој ќе коментира

Вашиот коментар

Твојата е-маил адреса нема да биде објавена.


*