Карма или парадокс: Грчкиот премиер Ципрас бара Турција да го почитува меѓународното право!


Грчкиот Премиер, Алексис Ципрас испрати силна порака до Турција да прекине со нелегалните активности во Егејското море и да го почитува меѓународното право.


 

Според грчкиот весник Катимерини, Ципрас ја испратил оваа порака при неговата посета на Псара, северозападно од Чхиос во источниот дел на Егејското море, каде бил на прославата на Грчката независност од Отомаската власт која се случила на 25 март 1821-ва година.

“Грција има капацитет да ја зачува сувереноста и територијалниот интегритет” – изјави Ципрас.

Зборувајќи за проблемот со двајцата грчки војници кои се уапсени во Турција после случајното преминување на границата овој месец, истакна дека владата на Грција ги прави сите возможни напори да ги врати војниците дома што е можно побрзо.

Интересно е да се забележи дека грчкиот Премиер се повикува на Меѓународното право, иако во случајот со Македонија и членството на Македонија во НАТО каде Македонија доби пресуда во нејзина корист од Меѓународниот суд, не сака да го почитува! Дали е ова карма или само парадокс?