Финансиска полиција: Акцијата во Љуботен наменета против нелегалниот увоз на тутун


Управата за финансиска полиција денеска преку соопштение информира дека вчерашната акција спроведена во селата Љуботен, Сингелиќ, Визбегово и Арачиново била наменета против нелегалниот увоз, производство и трговија со недозволената сорта тутун „вирџинија“, а не била наменета против локалното население кое се занимава со одгледување и производство на домашен тутун

– Мораме да напоменеме дека акцијата беше наменета против нелегалниот увоз, производство и трговија со недозволена сорта на тутун од типот „Вирџинија“ која во себе содржи енормно високо ниво на катран и песитциди и истиот е штетен по здравјето на луѓето. Целта на акцијата не беше да се конфискува тутун производен од локалното население, туку нелегално увезениот и штетен тутун по животите на нашите граѓани. Првичните информации говорат дека над 90 проценти од запеленетиот тутун потекнува од нелегалниот увоз и од штетната сорта Вирџинија, се наведува во соопштението.

Управата за финансиска полиција истакнува дека акцијата е спроведена по претходно спроведени контроли и истражни дејствија дека група правни и физички лица од државата увезуваат од оваа недозволена сорта тутун  кој потоа се носи на повеќе локалции каде се сече, реже и пакува во амбалажа од 300, 500, 800 или 1000 грама и се обележува со натпис од познати брендови.

– Така добиениот готов производ кој претставува опасност по здравјето на граѓаните без акцизна бандерола нелегално се продава на пазарот во Република Северна Македонија, спротивно на законските обвсрки, односно се избегнува плаќање на акциза, со што во текот на 2018 и 2019 година, Буџетот на Република Северна Македонија е оштетен за 7,5 милиони евра, појаснуваат од Управата за финансиска полиција.

Оттаму изразуваат жалење доколку вчерашната акција предизвикала вознемиреност кај локалното население и информираат дека денеска директорот на Управата одржал состанок со претставник на месната заедница на селото Љуботен и со дел од жителите на селото.

Балкан

Бугарскиот претседател Радев стави вето за купување американски борбени авиони

Бугарскиот претседател Румен Радев стави вето на спорното купување американски борбени авиони Ф-16. Како причина Радев ја наведе високата цена, недоволната опрема и зголемувањето на буџетскиот дефицит што таа нарачка го повлекува со себе. – […]

Вести

Новиот премиер на Велика Британија – за приврзаниците популарен, за критичарите – неискрен

Борис Џонсон е контроверзна фигура во британската политика и новинарство. За приврзаниците тој е духовит, популарен и привлечен, додека за оние кои го критикуваат велат дека е елитист, неискрен, мрзлив и употребува расистички и хомофобичен […]

Балкан

Србија: Напукна асфалтот на новиот автопат Е-10 низ Грделичка клисура

Иако од отворањето на јужната траса на Коридорот 10 за Северна Македонија не поминаа ни три месеци, на делницата помеѓу Царичина долина и тунелот Манајле, напукна асфалтот. Кон крајот на мај со музика и огномет, […]