ДЕМАНТ ОД МВР: Состојбата со исхраната на припадниците на посебните единици е неспоредливо подобра и поквалитетна во секој поглед од минатото


Министерството за внатрешни работи категорично ги отфрла политикантските и неточни тврдења изнесени денес во јавноста од страна на политичка партија за наводната несоодветна исхрана на припадниците на Единицата за брзо распоредување. Министерството за внатрешни работи е државна институција, која работи во интерес единатвено на граѓаните. Оттука, во интерес на вистината  и точното информирање на јавноста МВР е должна да го соопшти следното:


 

Состојбата со исхраната на припадниците на посебните единици, денес, во споредба со до пред две години, согласно сите нутриционистички и други параметри е неспоредливо подобра и поквалитетна во секој поглед.

Oколу неисплатените прекувремени работни часови  јавноста и граѓаните треба да знаат дека претходните законски и други подзаконски решенија, донесени пред неколку години што се уште се во правна сила, а  во врска со прекувремената работа, до овој момент буџетот на Министерството го чинат речиси 20 милиони евра, пари на граѓаните изгубени во судски спорови по основ на неисплатени работни часови. Независно што сега интензивно се работи на точните проценки на разните видови штети од таквиот најблаго кажано недомаќински третман со јавните пари, актуелното раководство на МВР отвори процес на сеопфатно решавање   на овој проблем кое што не би било ниту на штета на буџетот на министерството ниту на штета на вработените.