Бројот на новозаболени од КОВИД-19 не се намалува, надлежните апелираат на почитување на мерките


– Во текот на минатата недела бројката на нови случаи на КОВИД-19 се движеше околу десет проценти од тестираните и во најголем дел на дневно ниво таа беше трицифрена, со исклучок на вторникот кога од 1618 тестирани беа регистрирани 88 нови случаи. Здравствените власти предупредуваат дека поради доаѓањето на есента можно е влошување на состојбата, и заоа апелираат на почитување на мерките за заштита за да не се воведуваат нови доколку таа драстично се влоши.

На ова неделава предупреди и министерот за здравство Венко Филипче. Тој истакна дека на дневно ниво се зголемува бројот на заболени, за што, според надлежните, главна причина е и непочитувањето на мерките. Токму затоа, беше најавено и можно воведување нови рестрикции, а најмногу се размислува за  задолжително носење маски на отворено, ограничување на бројот на лица на одредени места, но и засилени контроли и казни.

Главната причина за зголемување на бројката, според анализите на надлежните, е непочитување на мерките и тоа пред се групирање, семејни собири, прослави и свадби кои се забранети и слични настани, но и генерално опуштање на граѓаните.

Состојбата со коронавирусот неделава беше тема и на седницата на Советот за безбедност, кој заклучи дека пандемијата со Ковид-19 и справувањето со неа и со последците што ги предизвикува останува најважен предизвик и во следните месеци.

Но според сегашните проценки, не се очекува развој на пандемијата што би имал влијание врз општата безбедност во земјата, заклучи Советот за безбедност на вчерашната седница.

За подобро справување со коронакризата се размислува и за донесување нов закон за вонредна и воена состојба, што вчера го најави министерот за правда Бојан Маричиќ, поради тоа што, како што потенцира, не знаеме што не очекува во иднина со коронакризата.

Маричиќ смета дека поучени од сите недоречености по прогласувањето на вонредната состојба, која кај нас е регулирана само „со еден или два члена во Уставот“, е добра идеја набргу да се донесе закон за вонредна и воена состојба.

Очекувам, најави министерот, во многу скоро време да се формира работна група и да се направи консултација со експертите, опозицијата, претседателот на државата, владините претставници, кои беа вклучени во спробедување на вонредната состојба. Како што најави министерот, во консултациите ќе бидат вклучени сите надлежни институции.

За справување со коронакризата и економските последици што таа ги предизвикува, Владата досега донесе три сета мерки. Се затвора и дебатата за мерките во четвриот пакет за поддршка на стопанството и граѓаните.

Вчера се одржа финалната средба со стопанските комори на министрите од економскиот ресор, а денеска на вицепремиерот за економски прашања Фатмир Битиќи и министерката за труд и социјална политика Јагода Шахпаска со Економско – социјалниот совет. Одлуката, за мерките што ќе ги содржи четвртиот пакет, Владата треба да ја донесе утре на седница и да ја соопшти на јавноста. Вкупната вредност на четвртиот пакет изнесува околу 350 милиони евра од кои 264 милиони се од Буџетот на државата и околу 85 милиони како исклучително поволни дополнителни кредитни линии.

Во претходното деноноќие од направени 1504 тестрирања, регистрирани беа нови 143 случаи на коронавирус. Во истиот 24-часовен период регистрирани се и 110 оздравени пациенти, но и девет починати лица.


Вести

Угостителските објекти ќе работат само до 23 часот

Владата на денешната 13-та седница ги разгледа и прифати препораките на Комисијата за заразни болести да се ограничи работно време на сите угостителски објекти до 23 часот, освен оние што вршат испорака, како и да […]

Вести

408 нови случаи на Ковид-19 во земјава, починаа 4 лица

  Министерството за здравство информира дека во последните 24 часа се направени 2140 тестирања, а регистрирани се 408 нови случаи на Ковид-19 во: Скопје-227, Куманово-12, Штип-15, Прилеп-4, Тетово-34, Струга-5, Велес-15, Битола-10, Охрид-23, Кавадарци-4, Гостивар-2, Струмица-18, […]

Започна пленарната седница за избор на претседател на Собранието - МИА
Вести

Собранието не расправаше за измените на Законот за заштита од заразни болести

– Собранието на Република Северна Македонија денеска ја започна 18. седница беа донесени две одлуки за испраќање припадници на Армијата во мисиите УНИФИЛ во Либан и Алтеа, како и неколку ратификации на договори и спогодби. […]

Биди првиот кој ќе коментира

Вашиот коментар

Твојата е-маил адреса нема да биде објавена.


*