Без закажување во Авицена Лабораторија достапни 2 различни типа на тестови за КОВИД – 19



Авицена Лабораторија како општествено-одговорна компанија уште од самите почетоци на пандемијата е активно вклучена во стратегијата за заштита на јавното здравје. Како здравствена институција што постојано придонесува во општеството, Авицена Лабораторија се вклучи со донација на 5.000 бесплатни Real Time RT-PCR лабораториски анализи за коронавирус (ковид-19), проект што сѐ уште се реализира во соработка со Министерството за здравство и со Здравствен дом Скопје.
Почнувајќи од денес, 18 мај 2020 г., во Авицена Лабораторија е достапно КОМПЛЕТНО МЕНИ НА ТЕСТОВИ ЗА КОВИД-19, за сите пациенти што сакаат да направат тест за ковид-19. Во Авицена Лабораторија се достапни 2 вида тестoви – молекуларни Real-Time RT-PCR тестови за детекција на вирусот од брис, имунолошки тестови од крв за квантитативно одредување на IgM+IgA и имунолошки тестови за одредување IgG антитела кон SARS-CоV-2.
Комбинацијата на двата теста дава целосна и реална слика за процесите во организмот на човекот, бидејќи имунолошките и молекуларните тестови се комплементарни односно се надополнуваат едни со други. Тоа значи дека со молекуларните тестови се врши детекција на присуство на самиот вирус или дури и само секвенца од РНК на вирусот, а во комбинација со мерењето на концентрацијата на антителата се добива увид во тоа дали организмот бил во контакт со вирусот и каков е имунолошкиот одговор на организмот во борбата со вирусот.
Тестовите се достапни како поединечни тестови или како панел-комбинација на два типа различни тестови.
Имунолошките тестови што се изработуваат во Авицена Лабораторија се засега единствени на пазарот. За разлика од брзите тестови, кои даваат резултати само со „+“ или „-“, тестот што се работи во Авицена Лабораторија дава прецизна бројка за концентрацијата на присутните антитела, а самиот тест има исклучително висока клиничка сензитивност и специфичност.
Тестовите ќе се изработуваат секој работен ден, без закажување, исклучиво во лабораторијата во населбата Тафталиџе.

Приемот на пациенти за тест за ковид-19 се врши од понеделник до петок, само од 14 до 17 часот, и
сабота само од 12 до 14 часот.

Лабораторијата истовремено ќе работи непречено со сите други пациенти, подготвена да обезбеди
непречено извршување на сите лабораториски услуги во текот на целото работно време, со специјално назначени простории за пациентите заинтересирани за тест за ковид-19, со што се
избегнува каков било контакт.

Авицена Лабораторија, во услови на пандемија на ковид-19 на глобално ниво и во интерес на заштита
на здравјето на вработените, здравјето на пациентите и јавното здравје, секојдневно ги презема сите
неопходни мерки во согласност со насоките од Комисијата за заразни болести при Министерството за
здравство и СЗО, за спречување на ширењето на оваа болест.


Вести

Седум града со над 100 активно заразенни со коронавирус

Во моментов во земјава како активни се водат 2.323 случаи на заразени со коронавирус. Од нив, во седум македонски градови има над 100 заразени. Најмногу активни случаи има во Скопје (684), по што следат Куманово […]

Бизнис и економија

Осумте банки заинтересирани за соработка со Пошта до крајот на месецот треба да достават понуди

– До крајот на месецот банките кои изразија интерес да го вршат платниот промет во единиците на Пошта треба да одговорат на писмото што го испрати Пошта до нив за условите што ги нудат, по […]

Субвенции од државата за плати досега побарале 12.380 компании - МИА
Вести

Четврти сет мерки – 470 милиони за поддршка на граѓаните и стопанството, според опозицијата Христијан Мицкоски, четвртиот пакет е задоцнет

– Преку нов пакет економски мерки вреден 470 милиони евра Владата ќе се обиде во третиот квартал од годинава да го спречи падот на БДП од вториот квартал и со зголемена економска активност и јавна […]