Археолошки истражувања во некрополите Мали дол во неготински Тремник

– Музеј на град Неготино во соработка со НУ Археолошки музеј на Македонија прави археолошки истражувања во некрополите Мали дол во неготинското село Тремник –  локалитет кој до 2008 година беше непознат за археолошката јавност.

– Првичните податоци за оваа некропола ги добивме од сопственикот на нивата Пео Колев, кој при изградба на штала наишол на камени конструкции и две бронзени игли кој ги пријави во Музеј на град Неготино. Таа година вработени од музејот вршеа краткотрајни заштитни ископувања и откриени беа четири погребувања – цисти, кои беа видливи на површината на теренот. Беа пронајдени две бронзени игли и накит – дел од ѓердан, комбиниран со килибарни перли, кои датираат од крајот на бронзеното време (XII век п.н.е.), информира Драгица Чекорова, директор во музејот.

Ископувањата спроведени во рамки на истражувачкиот проект, во континуитет се одвиваат од 2009 година до денес, како резултат на соработката помеѓу Археолошки музеј на Македонија и Музејот од Неготино.

– Во рамки на овие археолошки ископувања имаме откриено вкупно 77 погребувања, пронајдени се голем број бронзени игли, дел од накит – ѓердан, комбиниран со килибарни перли, разни керамички садови како урни, кантароси и други керамички и метални предмети, сместени во два хоризонта на погребување (две некрополи). Првата (постарата) е составена од погребувања кои датираат од доцното бронзено време (крајот на XII век п.н.е.) и преодниот период од бронза во железно време (XI – V век п.н.е.), а втората е претставена со погребувања од средниот век (XI – XIII век н.е.), појаснува Чекорова.

Сите погребувања од некрополата, вклучувајќи ги и средновековните, укажуваат на нејзино долготрајно користење и континуитет во развојот.

– Генерално кога ќе се соберат сите релевантни факти како гробните ритуали, движниот археолошки материјал и антрополошките остатоци, можеме да реконструираме слика на постоење на една заедница од крајот на бронзеното време, која со сите специфики припаѓа на Уланечката културна група, додава директорката.

Севкупните пронајдоци се дел од археолошка изложба „Некрополите на Мали Дол“, село Тремник, Неготино, финансирана од Министерството за култура на Република Македонија, според програмата за проекти од национално значење, која ќе биде отворена во септември во Општинската установа Музеј на град Неготино.

Во истражувањата учествува стручна екипа. Тука се д-р Александра Папазовска, виш кустос за железно време од НУ Археолошки музеј на Македонија и стручен раководител на истражувањата, д-р Фаница Велјановска, антрополог, кустос-советник и Александра Чевревска, археолог-кустос во истиот музеј, како и Костадинка Филипова, археолог-кустос во Музеј на град Неготино.

Вести

Трамп ѝ нареди на војската да воспостави вселенска команда

Американскиот претседател Доналд Трамп нареди формирање американска вселенска команда, која ќе ги надгледува американските воени активности во универзумот. Трамп бара американската војска да ги преземе првите чекори за формирање команда, почнувајќи од препораки за офицерите […]

Вести

Италија се договори со Еврокомисијата за буџетот

Италија постигна договор со Европската комисија за оспоруваниот буџет за 2019 година, соопшти портпарол на италијанското Министерство за економија. Извори од канцеларијата на премиерот Џузепе Конте сепак повикуваат на претпазливост по ова прашање, велејќи дека […]

Вести

„Жолтите елеци“ предизвикаа хаос на француските патишта

Членовите на француското протестно движење „жолти елеци“ денеска ги болкираа наплатните рампи на автопатите во Франција, предизвикувајќи застои и хаос по патишта во пресрет на божиќните празници. Француските медиуми јавија дека на некои места демонстрантите […]

Вести

Памела Андерсон: Ќе постигнев подобар договор за Брегзит од Меј

Ѕвездата на холивудската серија „Чувари на плажата“ и поранешен модел на „Плејбој“, Памела Андеросн изјави дека таа би постигналa подобар договор за Брегзит, од „глупавиот договор“ на британската премиерка Тереза Меј. – Договорот што го […]

Балкан

Македонија и Србија ќе соработуваат во делот на заштита и спасување

Владата на Република Македонија на денешната 110-та седница го усвои извештајот за завршени преговори за склучување на Спогодба помеѓу Владата на Република Македонија и Владата на Република Србија за заштита и спасување од природни и […]

Вести

Донирајте и создадете ѕвезда на небото на СОС Детско село

Започнаа празниците и полека секое срце се исполнува со топли и пријатни чувства. Сепак, тоа е најважно и треба среќата да блеска кај секој од нас. За да го направат тоа за децата, СОС Детско […]

Интересно

Интернет во 2022 година: Двојно побрз, достапен за 60 отсто од луѓето

Новиот извештај на компанијата „Циско“ фрла светло врз развојот на Интернет во следните пет години – од 2017 до 2022 година. Истражувањето е насловено „Вижуал Нетворкинг Индекс“ (Visual Networking Index (VNI) и вклучува голем број […]

Интересно

Шаманството најстара професија во светот

Наспроти урбаниот мит и уверувањата, науката откри дека најстара професија во светот е шаманството. Истражувачот од харвардската Школа за уметности и наука, Мануир Синг смета дека древните народи навистина биле убедени дека шаманите можат да […]

Интересно

Ловец казнет со затвор и со гледање на „Бамби“

Поради незаконско ловење елени и срни, ловец од американската сојузна држава Мисури е казнет со доживотна забрана за лов, една година затвор, и додека е во установата еднаш месечно да го изгледа цртаниот филм „Бамби“. […]

Први оставете коментар

Вашиот коментар пишете го во празното поле:

Вашата емаил адреса нема да биде објавена.


*