Анди Аранитаси нов претставник на ЕБОР во земјава


ЕБОР го назначи Анди Аранитаси за нов претставник во Северна Македонија. Тој доаѓа на местото на Анка Јоана Јонеску која ќе замине од Скопје на 1 септември годинава.

Како што соопштуваат од ЕБОР, Аранитаси работи во Банката во Лондон од 1998 година, а од 2000 до 2005 година е банкар во канцеларијата во Бугарија. Седум години работи во Истанбул, на енергетски проекти во Европа и Азија, и последниве две и пол години е во Бугарија во истиот оддел. Неговото работно искуство е во тимовите на Централна Европа и Западен Балкан, во секторите на телекомуникации, енергија и енергетика.

По завршувањето на средното образование во неговата родна земја Албанија,  Аранитаси ја добива школарината на Фондацијата Отворено општество за Американскиот универзитете во Бугарија, каде дипломира во 1996 година.

-Сакам да ја продолжам тековната работа со локалниот тим во проекти за поврзување на земјата, како и во оние од секторот инфраструктура и енергија, истовремено ангажирајќи се за зголемување на активностите на Банката во приватниот сектор, истакнува Аранитаси.

ЕБОР во земјава има инвестирано повеќе од 1.87 милијарди евра во 117 проекти, фокусирајќи се на поддршка на интеграцијата на земјата во регионалните и глобалните пазари, преку инвестиции на Банката и други придружни активности.

Анка Јоана Јонеску ја претставуваше ЕБОР во Северна Македонија повеќе од пет години.

Вести

До крајот на декември ќе бидат познати сите детали за инвертерите

Премиерот Зоран Заев очекува  до крајот на месецов јавно да бидат објавени сите постапки за субвенционирање на инвертерите. Тој денеска одговарајќи на новинарски прашања рече дека од страна на Владата се завршени сите постапки и […]

Вести

Изградени 70 проценти од магистралниот гасовод Скопје – Тетово – Гостивар

Mагистралниот гасовод Скопје – Тетово – Гостивар во должина од 78 километри има 70 процентна реализација во градбата,беше посочени при денешниот увид во изградбата на трасата на гасоводот во Тетово, во близина на селото Фалише. […]