Акција за остранување на дивите тезги на тротоари и тревници


Скопје, 26 јуни 2018  – Градот Скопје во координација со Државниот пазарен инспекторат и МВР, како и со асистенција на ЈП „Улици и патишта“ за утовар, денеска спроведе акција за отстранување нелегални продавачи на улицата „Брадфордска“ во Козле, кај мостот „Влајко“ во Влае и на булеварот „Трета македонска бригада“ во Аеродром.

Во рамките на оваа акција беа запленети над 10 тони стока, која по направените записници од пазарната инспекција беше однесена во Агенцијата за управување со одземен имот. Градот Скопје изрече вкупно осум казни на нелегалните продавачи по основ прекршување на Законот за јавна чистота.

Како што соопшти Град Скопје, оваа акција била спроведена по барање на околните жители, за да се стави крај на нехигиената и нередот што зад себе го оставаат нелегалните продавачи, како и по барање на продавачите што имаат закупено тезги на зелените пазари и уредно плаќаат за користење на тие тезги со цел заштита од нелојална конкуренција. Нелегалните продавачи на посочените локации минатата недела беа предупредени да ги отстранат своите импровизирани тезги, бидејќи во спротивно ќе им биде одземена стоката и ќе им бидат изречени казни.

Градот Скопје идната сезона ќе се залага за соработка со општините со цел регулирање на начинот на сезонската продажба на ваквата стока.

Од градот информираат дека Град Скопје, Државниот пазарен инспекторат и Министерството за внатрешни работи имаат еднаков пристап и кон нелегалните продавачи на Битпазар, како и на сите други локации во градот.

– Отстранувњето на нелегалните продавачи од повеќе локации низ градот ќе продолжи и во наредниот период во насока на воспоставување ред за пофункционален и побезбеден град, се наведува во соопштението.


ДСЗИ има направено над 116 вонредни инспекциски надзори во градскиот превоз - МИА
Вести

Досега 55 позитивни на КОВИД-19 од штипските конфекции, во тек се 485 тестирања

Скопје, 2 јуни 2020 () –  Во Штип до вчера се издадени 55 решенија на позитивни лица на вирусот за домашно лекување и самоизолација и 169 решенија на лица за здравствен надзор и изолација по […]