Народниот правобранител Насер Зибери изминатава година ја оцени како посебно тешка за детските права. Правобранителот Зибери, како прекршено детско право, го спомена одземениот живот на 14-годишната Вања Ѓорчевска, која беше грабната и свирепо убиена.

„2023 година ќе ја опишам како неповолна за заштита на правата на граѓаните, а посебно тешка за детските права кои кон крајот на годината за жал одзедоа и живот на едно младо девојче, Вања Ѓорчевска, но тешка и за првата на децата и на лицата кои издржуваат казна затвор во земјата“, рече правобранителот Зибери.

Изминатава година, како поголеми прекршувања на првата на децата Зибери ги наведе ненавременото издавање свидетелства, немањето учебници, ненавременото дистрибуирање на учебниците и неможноста на учениците Албански да учат на мајчин јазик во училиштата во Гази Баба. Велес и Чашка.