На Свети Трифун Владо Јаневски ќе одржи концерт во Кавадарци


Чествувањето на заштитникот на лозарите и овоштарите, Свети Трифун, во Кавадарци оваа година ќе започне во 11 часот и 40 минути со културно уметничка програма на градскиот плоштад, како вовед во традиционалното закројување на виновата лоза кое е предвидено да започне во 12 часот. Од 12 часот и 30 минути до 15 часот свој настап ќе имаат фолклорни состави и чалгии.


 

За вечерта има посебна програма која започнува во 20 часот и 30 минути со настап на кавадаречки бендови, додека пак почетокот на концертот на Владо Јаневски е планирано да започне во 21 часот и 45 минути. За крај, граѓаните ќе бидат забавувани од кавадаречните диџеи.

Од кабинетот на градоначалникот Јанчев информираат дека целиот плоштад ќе биде уреден во духот на празникот Св.Трифун, на кој ќе бидат поставени штандови со традиционална храна, вино, маџун и производи од грозје.