„Аватар 2“ шести на листата филмови со најголема заработка на светот

 Филмот „Аватар 2: Патот на водата“ влезе во филмската историја, заземајќи го засега шестото место на листата филмови со најголема заработка на сите времиња.

„Патот на водата“ се појави во кината 13 години по првиот дел, а со буџет од околу 460 милиони долари се смета за еден од најскапите на сите времиња. Новото остварување на режисерот Џејмс Камерон потоа заработи повеќе од две милијарди долари, а воедно, ова е и првиот филм од почетокот на корона-пандемијата на што го постигнал тоа. Овој режисер сега зазема три места на топ-10 списокот – оригиналниот „Аватар“ и на „Титаник“.

Во историјата на кинематографијата, 50 филмови заработиле над милијарда долари, а шест од нив заработиле две милијарди. Следат десетте филмови со најголема заработка:

1. „Аватар“ (2009) – 2,899 милијарди долари;

2. „Одмаздници: Крај на играта” (2019) – 2,794 милијарди долари;

3. „Титаник“, (1997) – 2,207 милијарди долари (не вклучувајќи ја заработката од неодамна објавената усовршена техничка преработка којашто се прикажуваше во кината ширум светот);

4. „Војна на ѕвездите: Силата се буди“ (2015) – 2,069 милијарди долари;

5 „Одмаздници: Војна на бесконечноста“ (2018) – 2,048 милијарди долари;

6. „Аватар 2: Патот на водата“ (2022) – 2,024 милијарди долари;

7. „Спајдермен: Нема пат до дома“ (2021) – 1,910 милијарди долари;

8. „Светот Јура“ (2015) – 1,669 милијарди долари;

9. „Кралот лав“ (2019) – 1,647 милијарди долари;

10. „Одмаздници“ (2012) – 1,515 милијарди долари.

Зои Салдана, која ја глуми Нејтири во приказната на Камерон, се појавува во четири од шесте филма со најголема заработка. Имено, таа ја толкува и улогата на Гамора во „Војна на бесконечноста“ и „Крај на играта”.

Facebook
Twitter
LinkedIn