Златна плакета за делчевската поетеса Билјана Начовски од Литератопија 2022


Делчевското роднокрајно творештво доби уште едно големо признание. За учеството со свое поетско дело на литературниот фестивал „Литератопија“ делчевската поетеса Билјана Начовски освои Златна плакета.


 

-На фестивалот учествував со сонетен венец и магистрал со акростих кој ми донесе Златна плакета. Иако имам добивано и други награди ова е мојот најголем предизвик до сега во пишување. Делото содржи 14 сонети, како и еден магистрал со акростих, истакна Начовски.

Ова е прва нејзина награда од Литературниот фестивал Литератопија 2022 кој годинава го имаше своето второ издание.

Делчевскиот роднокраен автор досега има напишано неколку стихозбирки, меѓу нив и делата „Градот“ „Акорди на моето срце“ и „Сила што ќе напише“.