Заврши Патувачкото кино на 11.Македокс во Скопскиот регион


Патувачкото кино на 11.Македокс годинава се одвиваше во Скопскиот регион. Патешествието на магаренцето натоварено со документарни и анимирани филмови се одржа од 8 до 12 октомври, притоа посетувајќи ги населените места Драчево, Радишани (ОУ „Ацо Шопов“), Волково (СРЦ „Бранители“), Горна Матка и Булачани (ОУ „Наум Охридски“).

Екипата на Македокс беше пријатно изненадена од интересот, љубопитноста и гостопримливоста на граѓаните, но и нивното учество во дополнителните активности на Патувачкото кино, што придонесе за успешна мисија исполнета со магија под ѕвезденото небо. Програмата за млади содржеше анимирани филмови, додека за повозрасната публика беа прикажани долгометражни документарни филмови од програмата на фестивалот „Македокс“.

На проекцијата во Горна Матка беше прикажан победничкиот филм „Еверест – потешкиот пат“ на Фестивалот на планински филм „Ехо“.

Паралелно со проекциите во Радишани се одржа сесија со новата генерација Докуникулци на „Македокс“, а беше изведена и еко-акција за чистење на игралиштето, каде се одржа проекцијата. Во Горна Матка се одржа креативна работилница за деца и работилница за јога. Во Булачани имаше работилница на која децата учеа како да жонглираат, а проекцијата се одржа во услови со дожд, но тоа не беше проблем посетителите да претрчаат до своите домови да си земат чадори за да можат да го догледаат филмот до крај.

Патувачкото кино на Македокс се одржа со почитување на протоколите за одржување културни настани на отворен простор и искрено ѝ благодариме на публиката што сите проекции поминаа во најдобар ред.

Патувачкото кино на МакеДокс 2020 е поддржано од Град Скопје.


Вести

ИЈЗ: За 1,8 отсто зголемен бројот на заразени од Ковид-19, за 18,6 отсто зголемен бројот на починати

– Според неделниот извештај на Институтот за јавно здравје за периодот од 16 до 22 ноември тестирани се вкупно 19.664 материјали во лабораториите во кои се спроведува молекуларно тестирање за присуство на SARS-CoV-2, со намалување од […]

Вести

За една недела регистрирани 7.486 новозаразени, над 5.000 излечени и 204 починати

  Скопје и натаму e со најголем број нови случаи и највисока инциденца, a најзастапена возрасна група се лица над 60 години, се наведува во неделниот извештај на Институтот за јавно здравје за периодот од 16 […]

Вести

Државна матура од 29 мај до 14 јуни, информатика и географија првпат во листата на изборни предмети

– Трите екстерни испити од државната матура од учебната 2020/2021 година во јунската сесија ќе се полагаат од 29 мај до 14 јуни. Листата на изборни предмети за третиот екстерен испит годинава е проширена со […]

Биди првиот кој ќе коментира

Вашиот коментар

Твојата е-маил адреса нема да биде објавена.


*