Врачени наградите „Златен објектив“ на Дончева и Грбевски


За посебен придонес во македонската кинематографија на костимографката Елена Дончева и монтажерот Димитар Грбевски денеска на пригодна свеченост Кинотеката им ги додели признанијата „Златен објектив“.

Директорот на Кинотеката Владимир Ангелов заблагодарувајќи им се на лауреатите за нивниот придонес во македонската кинематографија им ги врачи плакетите и пригодните значки – изработени во форма на минијатурни филмски камери, како заштитен симбол на кинематографијата – на Грбевски и на Јана Куновска, која го подигна признанието во име на Дончева. Грбевски, пак, им се заблагодари на присутните во киносалата исполнета со пријатели и почитувачи на нивните креативни достигнувања за укажаната чест.

Филмскиот критичар Стојан Синадинов во пригодното обраќање потсети на досегашните добитници на признанијата „Златен објектив“ кои се доделуваат по повод денот на Кинотеката и ги истакна креативните димензии на костимографијата и монтажата во создавањето филмови.

По презентирањето на био-филмографиите на Дончева и Грбевски, на присутните им се обратија и филмскиот режисер и професор по режија на ФДУ, Антонио Митриќески, и професорот по монтажа и декан на ФДУ, Лазар Секуловски. Митриќески говореше за неговите искуства од соработката со Дончева како костимограф на неговиот дебитантски игран филм „Преку езерото“, а Секуловски го портретираше Грбевски како негов и професор по монтажана на генерации студенти.

Присутните во фоајето на Кинотеката можеа да ја погледнат изложбата на костимографските решенија на Дончева од неколку нејзини филмски проекти, а потоа и да ја проследат пригодната проекција на краткиот документарен филм „Иларија“ на Грбевски.


Комисијата за заразни болести треба да одлучува за олабавување на мерките и отворање на економијата - МИА
Вести

Нови 125 случаи позитивни на КОВИД 19 во изминатите 24 часа

Скопје, 6 јуни 2020 () – Нови 125 случаи на новозаболени од КОВИД -19 регистрира Министерството за здравство во изминатите 24 часа. Најголем број повторно се во Скопје -46 по што следуваат Куманово со 19, […]

Втор ден карантин за Скопје, Куманово, Штип и Тетово - МИА
Вести

Втор ден карантин за Скопје, Куманово, Штип и Тетово

Скопје, 6 јуни 2020 () – За граѓаните на сите општини во градот Скопје, околните скопски општини Арачиново, Зелениково, Илинден, Петровец и Студеничани, во Куманово, Липково, Штип, Карбинци, Тетово, како и Боговиње, Брвеница, Теарце, Желино […]

Во шест градови во земјава нема повеќе активни случаи на Ковид-19 - МИА
Вести

Активни 1.009 случаи на заболени од Ковид-19, 90 отсто од новозаболените се од 15 фамилии

Скопје, 6 јуни 2020 () – Во земјава вчера беа потврдени 180 нови случаи на позитивни од Ковид-19, што е најголем број од почетокот на епидемијата досега, но министерот за здравство Венко Филипче информираше дека […]