– Десеттото издание на манифестацијата „Зелникот на баба“ денеска привлече гости од земјава и странство во Пробиштип. Настанот не се одржуваше само две години заради ковид-пандемијата, но сепак како карактеристична манифестација за Пробиштип претставува белег на традицијата и вкусната храна. Посетителите го своето задоволство од организацијата. Во рамки на програмата предвидено е избор на најдобра етно маса, демонстрација на сукање зелник и печење под вршник, натпревар во брзо сукање и работилница за сукање зелник, а овој натпреварувачки дел завршува со прогласување на победниците.

-И годинава имаме 16 учесника од 16 града од Македонија, искажаа надополнети со четири невладини здруженија од општина Пробиштип и збогатени со Институтот „Конфуциј“ кој работи при УКИМ и нашите драги пријатели од Алексинац, Р Србија. Имаме 22 штанда на кои се нудат преубави зелници, специјалитети од тесто коишто се продаваат на парче, а собраните средства ќе бидат наменети за хуманитарни цели“, вели Раде Илиевски, вработен во Општина Пробиштип.

Од организацијата е задоволен и градоначалникот на Општина Пробиштип, Драган Анастасов, кој посочува дека големиот интерес е показател за каква манифестација станува збор. Порача дека традиционалниот настан ќе продолжи да се развива и унапредува.

-Традиционално Општина Пробиштип го организира овој настан за повозрасните наши сограѓани, но секако и за сите останати коишто доаѓаат во Пробиштип. Она коешто се пренесува од генерации на генерации, традиционалниот зелник во Пробиштип, почнувајќи од Лесново, еве нè денес и на Градскиот плоштад заедно со наши сограѓани, но и огромен број на посетители. Ова е веќе традиционален настан којшто се организира секоја година со зголемен буџет имајќи го предвид зголемениот интерес, вели Анастасов.

Ваквата манифестација е единствена и оригинална во цела држава, а гости имаше и од Република Бугарија. Пробиштип денеска е посетено од четири до пет илјади луѓе кои беа дел од десеттото издание на „Зелникот на баба“.