Во Битола отворена изложба на детски ликовни творби на тема „Народната култура како трајна инспирација во моето творештво“


НУ Центар за култура-Битола ја промовираше 44. Државна изложба на детски ликовни творби на тема „Народната култура како трајна инспирација во моето творештво“, културен настан со најголема традиција во државава.

Изложбата ја отвори директорката на НУ Центар за култура-Битола, Маја Андоновска-Илијевски која истакна дека публиката во овој град ќе може да погледне 64 ликовни колекции со 630 детски творби.

– Најубавите креации на светот ги создаваат детските очи, бидејќи низ нивната визура работите имаат поубави бои, поголема вредност и се помагични. Детската ликовна изложба е поттик да инспирираме, да наградиме, да се запознаеме и да оставиме нешто трајно. Радоста е голема бидејќи Центарот за култура се исполни со над ликовни творби од цела држава, радоста е голема затоа што од година во година бројот на учесници се зголемува и затоа што детската изложба инспирирана од народното творештво стана препознатлив знак за месецот мај во НУ Центар за култура-Битола, посочи Андоновска Илијевски.

Според востановената традиција, на дел од учесниците им беа доделени специјални награди, награди за најдобри колекции и 36 поединечни награди за најуспешни ликовни творби на изложбата.

-Тенденцијата да се поттикне и насочи младите генерации да се запознаат со народната култура за да создаваат дела инспирирани од традицијата но во духот на секојдневието предизвикува голем интерес и творечки порив. Преку реализацијата на изложбата, илјадници деца, ученици ширум нашата татковина, заедно со нивните ликовни педагози неуморно истражуваат низ бесценетитот народен мозаик. Токму таа активност, истражувањето, инспирацијата и креацијата, обезбедуваат континуитет на долгата културна традиција, нагласи м-р Валентин Соклевски, стручен соработник во НУ Центар за култура-Битола.

Изложбата е финансирана од Министерството за култура.

Вести

Новиот закон за ЈО утре во Собранието, власта очекува поддршка од опозицијата

Владата утре Предлог-закон за Јавно обвинителство ќе го прати во Собранието. Очекуваме своите ставови пратениците да ги кажат во законодавниот дом, а ако имаат забелешки и да поднесат амандмани. Градењето дво-третинско мнозинство ќе биде во […]

Бизнис

Бензините поевтинуваат за еден, а дизелот за половина денар

Цената на бензините од ноќеска на полноќ се намалува за еден денар, а на дизелот и на екстра лесното масло за домаќинство за половина денар, одлучи денеска Регулаторната комисија за енергетика. Согласно новите цени, ЕУРОСУПЕР […]

Вести

Одбиено барањето на Кочан за одложување на затворската казна

Судија за извршување санкции при Основниот кривичен суд – Скопје го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за […]