Во Битола онлајн натпревар по пијано со учесници од 19 држави



 

Во Битола по втор пат, се одржува меѓународниот натпревар „Пијанофест 2020“, на кој учествуваат 148 натпреварувачи од 19 држави од целиот свет: Македонија, Албанија, Бугарија, Србија, Босна и Херцеговина, Германија, Италија, Малта, Литванија, Црна Гора, Молдавија, Белорусија, Хрватска, Израел, САД, Романија, Словенија, Јужна Кореа и Косово.

Натпреварот го организира здружението „Пијано”, чии основатели се пијанисктите од Битола, Јана Четелева Белевска и Марија Шамоска Буџаковски.

Оваа година, поради ситуацијата со Ковид- 19, натпреварот се одржува онлајн. Натпреварувачите ќе бидат оценети од жири во состав: Даница Стојанова – Македонија, Милица Шкариќ – Македонија, Петар Младеновиќ – Србија и Маргарита Вујовиќ – Русија, Србија.

Во тек се оценувањата на пријавените натпреварувачи од страна на стручното жири, по што, после 20 декември, ќе бидат објавени резултатите и лауреатите. За најдобрите, ќе бидат доделени и парични награди. „Пијанофест“ е нова успешна приказна за Битола, која го претставува градот и го популизира не само во домашни, туку и во светски рамки.