Утврдена програмата за одбележување на 11 Октомври


Свеченостите по повод одбележувањето на државниот празник 11 Октомври – Ден на народното востание, ќе се одржат во Прилеп, Куманово и Скопје.

Како што соопшти владината Прес-служба, содржините за одбележување на 78-годишнината од Денот на народното востание на македонскиот народ против фашизмот и за македонска државност во Куманово ќе почнат со положување цвеќе на Спомен-костурницата.

Владината делегација во Куманово ќе ја предводи премиерот Зоран Заев, а во нејзин состав ќе бидат вицепремиерот и министер за внатрешни работи Оливер Спасовски, министерот за образование и наука Арбер Адеми и министерката без ресор задолжена за странски инвестиции Зорица Апостолска. Покрај другите содржини, предвидено е обраќање на премиерот Заев.

Во Прилеп свеченостите за одбележување на празникот ќе се одржат пред споменикот на Методија Андонов-Ченто и пред споменикот на Кузман Јосифоски-Питу, како и на Могилата на непобедените. Делегацијата на Владата во Прилеп ќе ја предводи министерот за транспорт и врски Горан Сугарески, заедно со министерката за труд и социјална политика Мила Царовска и министерот без ресор задолжен за странски инвестиции Елвин Хасан.

Празничните активности во Скопје ќе почнат со положување цвеќе на Партизанските гробишта во Бутел, а владината делегација во главниот град ќе ја предводи вицепремиерот задолжен за економски прашања и за координација со економските ресори Кочо Анѓушев, а во нејзин состав ќе бидат министерката за финансии Нина Ангеловска, министерот за администрација и информатичко општество Дамјан Манчевски и министерот за економија Крешник Бектеши.

Премиерот Зоран Заев и членови на Владата ќе присуствуваат и на свеченоста во Парламентот по повод доделувањето на високата државна награда „11 Октомври“.

Од владината прес-служба информираат дека на сите свечености по повод одбележувањето на државниот празник 11 Октомври – Ден на народното востание, се поканети членови на Сојузот на борците, дипломатскиот кор во нашата земја и претставници на општествените и граѓанските организации во државата.


Од 29 заболени со коронавирус во тетовскиот регион, 16 се од Тетово   - МИА
Вести

Нови 52 случаи на КОВИД -19, четворица починати и 30 оздравени

Скопје, 29 мај 2020 () – Министерството за здравство информира дека во изминатите 24 часа се регистрирани 52 нови лица позитивни на коронавирусот и 30 оздравени пациенти. Во овој период починале четири лица, две на […]

Дваесет нови случаи со Ковид -19, вкупно 1.694, оздравени 24 пациенти, тројца починати - МИА
Вести

Активни 470 случаи на заболени со Ковид-19, најмногу во Скопје

Скопје, 29 мај 2020 () – Поминаа два дена откако целосно е укинат полицискиот час во земјава, по посебни протоколи отворени се кафулињата и рестораните и дел од вработените се вратија на нивните работни места. […]