Прва енциклопедија за деца за основоположниците на современата македонска уметност

Прва енциклопедија за деца за основоположниците на современата македонска уметност беше промовирана на денешното одбележување на 15 Април – Светскиот ден на уметноста. Изданието е проект на Центарот за визуелна комуникација „Ефектива“, а автор на енциклопедијата е Елизабета Баковска. Проектот е поддржан од Националната галерија на Република Северна Македонија и општина Центар, информираат од „Ефектива“.

– Првпат во Македонија е создадена енциклопедија за основоположниците на македонската современа уметност чија целна публика се пред сè децата. Ова е дело кое ја допира суштината. Суштината е дека публиката треба да ја создадеме, а таа се создава од мали нозе, вели Софија Семенпеева од „Ефектива“.

Од Центарот велат дека главната вредност на ова дело е што е создадено на специфичен јазик со цел да успее на едноставен начин да допре до најмладата публика и да ја поттикне љубопитноста на децата за една особено значајна тема.

Во рамките на одбележувањето беше одржана и трибина на тема „Значењето на уметноста во развојот на децата и општеството“, на која се отворија суштински и општествено важни прашања за значењето на уметноста во растот и развојот на едно општество.

Беа доделени и награди на 12 ученици од основните училишта што по повод одбележувањето на 15 Април твореа на тема „Општеството кое јас го создавам“.

Центарот „Ефектива“ ќе донира по 15 енциклопедии за деца во сите основни училишта на територијата на општина Центар, се наведува во соопштението од „Ефектива“.


Вести

За победа во прв круг потребни 904.066 гласови, во вториот 723.253

Денеска се одржува првиот круг од претседателските избори. На изборите право на глас имаат 1.808.131 избирач, кои можат да изберат меѓу тројца кандидати Блерим Река, Гордана Силјановска-Давкова и Стево Пендаровски. Во првиот круг победник може да […]

Вести

Отворена телефонска линија кај Омбудсманот за пријавување повреди на избирачко право

Граѓаните денеска на денот на одржувањето на првиот круг од Претседателските избори 2019, и предвремените избори за градоначалник за општините Охрид, Дебар и Ново Село ќе можат да пријават каква било повреда на избирачкото право […]

Вести

Граѓаните го избираат петтиот претседател, прв на Република Северна Македонија

Во Република Северна Македонија денеска се одржува првиот круг од шестите претседателски избори. Во претседателската трка се кандидатот на СДСМ и коалицијата Стево Пендаровски, на ВМРО-ДПМНЕ и коалицијата Гордана Силјановска-Давкова и Блерим Река, кој е поддржан од […]