Промовиран музејски водич „Минато на дланка“


Водич на музејската поставка „Минато на дланка“ низ креативна работилница со ученици од основните училишта и од Државното училиште за деца и млади со оштетен вид „Димитар Влахов“ од Скопје беше промовиран вчера во рамки на музејската недела во НУ Музејот на македонската борба, соопштуваат од Музејот.

Работилницата беше реализирана во соработка со студентите од Филозофскиот факултет од Скопје, од отсекот Специјална едукација и рехабилитација.

Музејскиот водич, се наведува во соопштението, е изработен во печатена форма, на Брајово писмо и во аудио формат, креирајќи инклузивен концепт на доживување на музејот за различни групи посетители. Во рамки на проектот изработени се и тактилни историски мапи и ознаки за движење низ музејската поставка.

Промоцијата на водичот е завршна активност на Проектот за подобрување на пристапноста на слепите и слабовидни лица на Музејот на македонската борба, поддржан од Балканската музејска мрежа, финансирана од страна на фондацијата Ставрос Ниаркос, преку имплементација на Фондацијата Културно наследство без граници на БИХ. Проектот е имплементиран во соработка со Државно училиште за деца и младинци со оштетен вид Димитар Влахов – Скопје и Националниот сојуз на слепи.

Изработката и адаптацијата на материјалите на Брајово писмо ја помогна Проектот за деца со пречки во видот (УСАИД, Лајонс Македонија, Универзитет на Југоисточна Европа), се наведува во соопштението од Музејот.

Вести

ДКСК со иницијатива до Заев да утврди одговорност кај Анѓушев за акцизите на литиум јонски батерии

Државната комисија за спречување на корупција на денешната 24 седница со четири гласа „за“ и два „против” донесе одлука за поднесување иницијатива до премиерот Зоран Заев за отворање постапка за утврдување одговорност против вицепремиерот Кочо […]

Вести

Судиите од Кривичниот суд во Скопје со поддршка за судската администрација

Колегиумот на судии и Здружението на судии од Основниот кривичен суд во Скопје денеска им дадоа поддршка на судските служеници, кои денеска од 09:30 до 11 часот протестираа пред судовите во државата. – Тука сме […]

Вести

Судската администрација протестира против одлуките на Судскиот буџетски совет

Судската администрација во сите судови низ државата денеска протестираше против одлуките на Судскиот буџетски совет, кои се однесуваат на нерамномерното зголемување на додатоците на плата и на неисплатата на платата на дел од учесниците во […]