Речиси 15.000 луѓе го слават Денот на младоста во Кумровец


На прославата на Денот на младоста, која 15-ти пат по ред се одржува во Кумровец, родното место на Јосип Броз Тито, оваа година имаше повеќе луѓе отколку кога било досега. Според проценката на организаторите, на одбележувањето дошле 15.000 луѓе, додека во претходните години имало најмногу 10.000.

Како и во изминатите години, така и на оваа прослава, беше забрането да се вее исклучиво југословено знаме и да се носи униформа на ЈНА, додека сите други комунистички симболи, слободно можеа да се истакнат.

Сепак, неколку присутни носеа и знамиња на Југославија. Собирот помина без инциденти, а организаторите веруваат дека така ќе биде до крајот на денот.

Посетителите дојдоа од сите делови на Хрватска, но исто така и од Словенија и БиХ. Од изутринава пред куќата на Тито, се слушаа партизански и југословенски песни, а низ Кумровец, како и во претходните години, се прошета актер во униформа на маршалот, кој пушеше цигари и позираше како другарот Тито.

Во Кумровец денеска дојдоа и претставници на антифашистичките здруженија од сите земји на поранешна Југославија, но бројот на преживеани членови на Народноослободителната борба, од година во година се намалува.

Вести

Судската администрација на протест против одлуките на Судскиот буџетски совет

Судската администрација во сите судови низ државата денеска од 9:30 до 11 часот ќе протестира изразувајќи незадоволство од состојбите во судството. Вработените ќе протестираат против одлуките на Судскиот буџетски совет за нерамномерно зголемување на додатоците […]

Балкан

„Macedonia the GReat“ колективна трговска ознака за производите од грчката област Македонија

Слоганот „Macedonia the GReat“, со потенцирани букви ГР како кратенка за Грција и буквата „М“ како ознака, испишани со бело на сина позадина, се новите колективни трговски ознаки за грчките производи од грчката област Македонија, […]

Вести

Две лица во Кина заразени со пневмонична чума

Две лица кои живеат во близина на кинеската граница со Монголија се заразени со пневмонична чума, само шест месеци откако две лица почина во истиот регион од чума. Двајцата пациенти од автономниот регион на Внатрешна […]