Откритие: Бетовен бил глув поради труење со олово


Лекари од Италија ја открија причината поради која славниот германски композитор Лудвиг ван Бетовен веројатно го загубил слухот. Тие сметаат дека глувоста на музичарот можеби се должи на труење со олово.

Научниците поставија голем број хипотези за причините за болеста на композиторот, меѓу нив се тифус, различни автоимуни заболувања и невообичаената навика на Бетовен да спие, натопувајќи ја главата во ладна вода.

Лекарите предводени од Давид Брото од Универзитетот во Падова (Италија) наведуваат нова причина.

Симптомите на еден од пациентите, кого лекарите го набљудуваат од 2018 година, се совпаѓаат со тоа од кое страдал познатиот композитор. Причина за нерасположението е високата концентрираност на олово во крвта и урината на Италијанецот. Присуството на токсичниот метал во неговиот организам е од стара тава за пржење, на која заштитниот керамички слој бил излуштен.

Анализа од косата на Бетовен и делови од черепот во 2005 година покажале дека телото на композиторот содржи зголемено присуство на олово.

Музичарот можеби имал зголемени дози на олово поради виното, кое во тоа време содржело големи количества тешки метали. Покрај тоа, омиленото шише на Бетовен е делумно изработено од олово.

Бетовен го загубил својот слух во 1796 година, на 26-годишна возраст, а до 1811 година целосно оглувел. Болеста не го спречила композиторот да создава музика, но имал проблеми при одржувањето концерти.


Вести

Премиерот на Русија, Медведев поднесе оставка (ДПЛ)

Дмитриј Медведев денеска поднесе оставка од функцијата премиер на Русија, јави руската државна агенција ТАСС.   Тој одлуката ја донел по разговорот со рускиот претседател Владимир Путин, кој предложи нова функција во Советот за безбедност […]

Вести

Четириесет и пет пријавени за фаќање на крстот во Вардар во Скопје

Четириесет и пет лица досега се пријавени за учество во традиционалното спуштање на крстот во Вардар во центарот на Скопје на 19 јануари на Богојавление – Водици, информираа денеска за МИА од Скопската епархија.   […]

Бизнис

Народна банка: Камaтната стапка се намалува на 2 отсто

На 14 јануари 2020 година, Комитетот за оперативна монетарна политика на Народната банка ги разгледа клучните показатели за домашната економија и движењата на меѓународните и на домашните финансиски пазари, во контекст на поставеноста на монетарната […]