Над 150 деца дел од едукативниот настан „Денот на Тесла“

Над 150 деца денеска беа дел од едукативниот настан што се одржа во изложбениот центар „Матка“ на ЕВН Македонија, а со кој беа одбележани 162 години од раѓањето на Никола Тесла.

Во рамки на „Денот на Тесла“ беше изведена претставата „Гига Мега Бајка“ од страна на Театарот за деца и младинци од Скопје, а се одржаа и креативна работилница за пишување, сликарска работилница и предавање за тема „Моќта на електрицитетот“. Во рамки на одбележувањето беше прикажан и документарниот филм „Тесла ја користи моќта на Нијагарините водопади“.

Учесниците имаа можност да изведат експерименти базирани на најважните пронајдоци на Тесла: радиопренос, безжичен пренос на енергија и високофреквентна наизменична струја, а помладите учесници изработуваа макети од лего коцки во духот на Тесла.

– „Денот на Тесла“ е само пример за тоа како преку современи и интерактивни образовни методи, светот на енергијата и иновациите можат да се приближат на најмладите“, велат од ЕВН Македонија.

Учеството на едукативниот настан беше бесплатно, а од страна на ЕВН Македонија беше организиран бесплатен превоз до Изложбениот центар Матка. Дел од „Денот на Тесла“ беа и децата од СОС Детското село. Покрај нив, на настанот учествуваа и децата од градинките „Сумнал“ и „Грин хаус“ од Скопје.

Изложбениот центар „Матка“, е сместен во зградата на старата хидроцентрала во Матка која датира од 1938 година. Центарот работи секој ден, освен понеделник, од 10 до 15 часот и во него има околу 30 интерактивни експонати и специјализирани водичи за тури на македонски, албански и на англиски јазик. Досега, Матка ја посетија над 10.000 посетители.


Бизнис

Протест на технолошкиот вишок на „Еурокомпозит“- По две години ништо не е решено

Работниците прогласени за технолошки вишок кои се уште чекаат да им бидат исплатени отпремнините од прилепската компанија „Еурокомпозит“ денеска се собра на протест во центарот на Прилеп. Тие бараат одоговор за состојбите во фирмата и […]

Бизнис

Лани без објавување оглас склучени 596 договори во вредност од 33 милиони евра

Големи тендери, намалена конкуренција, склучени договори без објавување оглас, раст на бројот на поништени тендери, се дел од клучните наоди на мониторингот на јавните набавки спроведени во периодот јули-декември 2018 година. Во извештајот на Центарот […]

Вести

Комплетиран кабинетот на претседателот Пендаровски

Претседателот Стево Пендаровски, го комплетираше составот на својот кабинет. Генерален секретар ќе биде Миле Бошњаковски, кој досега ја извршуваше функцијата портпарол на Владата, додека шеф на протокол ќе биде Билјана Мицевска. Одговорна за односи со […]