На платформата за онлајн настава на Меѓународниот Балкански Универзитет креирани 500 предмети од летниот семестар


 

Во време кога во светот владее пандемија предизвикана од коронавирусот и во државава се преземаат мерки со цел да се запре агресивното ширење на заразата, поради што дојде и до запирање на обрзовниот процес, Меѓународниот Балкански Универзитет (МБУ) како одговорна и угледна високообразовна институција веднаш одговори на предизвикот и новите околности. Имено, во текот на минатата недела во рамките на Универзитетот беше отворен Центар за онлајн настава, опремен со најсовремени услови и со сите потребни технолошки решенија за ваков неконвенционален, но модерен метод на настава.

Ова овозможи од почеткот на неделава на МБУ да продолжи образовниот процес со 100% онлајн настава. Преку платформата за онлајн настава која е интегрирана со „Хело“ онлајн системот за е-учење на Универзитетот, образовниот процес се одвива непречено и продуктивно преку видео-предавања на професорите, споделување дигитални материјали и целосна интеракција со студентите.

Согласно редовниот распоред на предавања и вежби за летниот семестар од тековната академска година, на онлајн платформата се креирани преку 500 предмети од 17 додипломски и 11 последипломски студии, а онлајн наставата уште првиот ден ја следеа преку 1400 студенти.

„Меѓународниот Балкански Универзитет останува цврсто определен да ја продолжи својата посветеност кон образованието и науката. Нудејќи модерни решенија кои се целисходни и позитивно прифатени од студентите, МБУ уште еднаш докажува дека е стожер на модерното образование, не само во нашата држава, туку и пошироко. Првите впечатоци од професорите и од студентите за онлајн наставата се позитивни, така што Универзитетот продолжува во полн капацитет да ги нуди непрекинато своите образовни и други услуги кон студентите“, вели Висар Рамадани, генерален секетар на Универзитетот.

Во МБУ сметаат дека одличниот старт на ваквиот вид настава е потвда дека образовниот процес ќе се реализира ефикасно и продуктивно, со што студентите ќе се стекнат со потребните знаења и вештини за нивно професионално усовршување.


Вести

За непочитување на полицискиот час, 24 скопјани ги очекува 48 илјади евра казна

Основното јавно обвинителство Скопје денеска поднесе предлози за издавање казнени налози пред Основниот кривичен суд Скопје, против вкупно 24 лица кои не го почитувале полицискиот час, информираат од скопското Обвинителство. – Обвинетите, во различни кривично-правни […]

Бизнис

Баравме системски мерки за сите засегнати, а не делумна помош во криза

31, Март, 2020, Скопје – Сојузот на стопански комори се оградува од мерките објавени во вториот сет од страна на Владата, со појаснување дека од наша страна се бараа системски мерки за сите засегнати микро, […]

Вести

Владата со втор пакет мерки за граѓаните и фирмите за увлажување на последиците од Ковид-19

Финансиска поддршка за претпријатијата од приватниот сектор за исплата на плати за своите вработени во висина од 14.500 денари за месеците април и мај, кратење на платите за сите избрани и именувани функционери на ниво […]