Музејот од Свети Николе се подготвува за големата изложба „Билазора“



Општинската установа Народен музеј Свети Николе се подготвува за големата изложба на артефакти од локалитетот Градиште во село Кнежје.

Директорот на Народен музеј на Свети Николе Александар Данев за МИА појаснува дека ова е резултат на континуирани систематски археолошки истражувањa од 2008 до 2018 година. Изложбата е насловена „Билазора“, постојана поставка, а нејзиното свечено отворање е в петок во 20 часот.

– Истражувањата се организирани од Народен музеј Свети Николе во соработка со TFAHR-USA, фондација за археолошки и историски  истражувања и Институтот за  археологија и историја на уметност при Филозофскиот факултет. Локалитетот се простира на околу 30 хектари и се наоѓа на четири километри западно од Свети Николе. Градот Билазора опстојува од 7-2 век п.н.е., а најголем подем доживува во 5 и 4 век п.н.е. и се развивал во четири последователни фази, вели Данев.

Тој истакна дека артефактите што може да ги види публиката се наоѓаат во состав на постојаната поставка, се плод на систематските археолошки истражувања и потекнуваат од акрополот Билазора, односно пропилонот и владетелскита палата, кои датираат од 5 и 4 век п.н.е.

– Се работи за репрезентативни примероци на пајонска керамика, предмети од метал, нумизматика, и камена пластика. Посебно место зазема диорамата, односно макетата на самиот локалитет во размер 1:100 и се однесува на досега истражениот дел каде е претставен акрополот, вели Данев.

Проектот е реализиран со финансиска поддршка на Министерството за култура, Народен музеј на Свети Николе, како и со поддршка на фирми и организации и Општина Свети Николе, а е заокружен со делото на академскиот вајар Димче Димески – автор на диорамата.


Вести

Дневен преглед на состојбата со Ковид-19 во светот

Според последните податоци, досега во светот 33.951.767 лица биле заразени со новиот коронавирус. Како резултат на Ковид-19, починале 1.014.644 пациенти, а се опоравиле 25.217.358 лица. Во последните 24 часа во Германија се регистрирани 1.798 нови […]

Вести

Објавени распореди на часовите за наставата на МРТ

Учениците кои немаат ИТ-уреди за да следат онлајн-настава преку платформата, часови ќе  гледаат на Македонската радио-телевизија на која секој ден ќе бидат прикажувани 15-минутни видеа за секој наставен час. Часовите ќе почнуваат во 8.30 часот […]

Вести

Регистрирани 194 новозаразени, починаа 2 лица

Во последните 24 часа се направени 1697 тестирања, а регистрирани се 194 нови случаи на ковид-19 во: Скопје-77, Куманово-9, Дебар-3, Штип-5, Прилеп-11, Тетово-16, Струга-3, Велес-5, Битола-6, Охрид-2, Кавадарци-3, Гостивар-5, Гевгелија-1, Струмица-9, Крива Паланка-3, Радовиш-6, Кочани-10, […]