Николоски од Ново Село: Каде се 4 милијарди евра, каде одат парите


Николоски од Ново Село: Каде се 4 милијарди евра, каде одат парите - МИА

Струмица, 6 јули 2020 () – Потпретседателот на ВМРО-ДПМНЕ и носител на листата во ИЕ 4, Александар Николоски порача дека на 15 јули жителите треба да одберат обнова на својата татковина и масовно како на референдумски избори да гласаат за Коалицијата „Исправи се Македонијо”.

– Ако во општините што ги водат вака е несредено и неизградено, неуредено и гнасно, како ли им е дома. Затоа што човек ако е педантен дома, педантен и чист е и на работа. Да одат секој ден тука во општината и да го гледаат ова ѓубриште ондека, да ја гледаат фонтаната што не работи, да гледаат се запуштено и да не ги јаде нервоза. Недомаќини луѓе е благ збор за нив. И за жал тоа се случува низ целата држава. Еве го прашувам јавно Заев како кога си оди дома накај Струмица, не се нервира кога го гледа патот Штип-Радовиш, кај е застанат од 2016 година таму и денес е. Три години не е мрднато. Од него зависи, тој е прв човек во владата и патот за дома не може да си го направи. Или кога ќе си оди во Муртино во куќата на татко му нели ја гледа канализацијата како тече и лево и десно по улицата. И не е тоа од вчера од завчера, 18 години тој и неговите пајташи владеат и неможат еден парк да исчистат, стои во соопштението на Центарот за комуникации на ВМРО ДПМНЕ кое го пренесува обраќањето на Николоски од вечерашната средба во Ново Село.

Кај се 4 милијарди евра: Кај одат парите, кај се?, прашал Николоски.

– Одговорот е јасен. Парите одат по приватни џебови. Затоа и нема за народот. Ги цицаат парите. Ете такви бандити ја водат државата, одговорил носителот на листата во изборната единица број 4 на Коалицијата „Исправи се Македонијо“.

-Пред некое време со драги пријатели бевме во Швајцарија. Во Локарно новоселци се 25 проценти од населението. И ми велат Боро Марлборо секој викенд е тука со највисоки членови на семејството Заеви. Па да ги прашам што бараат секој викенд во Локарно? Но, ние ќе испитаме по 15-ти јули. Затоа што еден од приоритетите ни е испитување на капиталот на сите политичари од прв до последен. Со денови го повикувам и Заев да докаже дали неговото богатство и богатството на неговото семејство е легално стекнато. Затоа после 15-ти јули законот ќе дојде и има сите да одговараат од прв до последен. За земјоделието што да ви кажаувам. Зелената мафија си владее, а на вас ви го цицаат трудот. Едно време се отвораа откупни центри, а сега се отвораат за марихуана. Во едно време имаше редовен откуп, а сега гледаат на диво што повеќе да насадат и да прошверцаат тука преку граница. Тоа е тажната приказна овде во Ново Село и затоа ве повикувам да излезете масовно на 15-ти јули и да гласате за обнова, порача Николоски на крајот. оџ

 


Вести

Ден на Републиката – чествувања со протоколи и без масовни собири

– Денот на Републиката 2 Август, на кој се празнуваат двата историски Илиндена, 117 години од Илинденското востание и 76 години од Првото заседание на АСНОМ,  поради епидемијата ќе се чествуваат без масовни собири и […]

Викендите предизвикуваат раст на бројот на новозаразени од Ковид-19 - МИА
Вести

Бројот на новозаболени под 10 отсто, се бара почитување на протоколите на плажите и на базените

Скопје, 2 август 2020 () – Бројот на новозаразени лица од Ковид -19 падна под 10 отсто. Според последниот здравствен билтен на Министерството за здравство, во последните 24  часа од направени 1621 тестови регистрирани се […]

Регистрирани 101 новозаразен со КОВИД, пет лица починати, 22 оздравени - МИА
Вести

Од 3700 активни случаи на Ковид-19, во Скопје 1426, најмногу во Чаир, Аеродром и Кисела Вода

Скопје, 1 август 2020 () – Во земјава во моментов активни се вкупно 3.700 случаи на Ковид-19, најмногу случаи се регистрирани во Скопје 1426. Според дистрибуцијата на активни случаи по општини во Скопје најмногу има во […]

Биди првиот кој ќе коментира

Вашиот коментар

Твојата е-маил адреса нема да биде објавена.


*