Еврејската заедница реагира на нејзино инволвирање во изборната кампања преку политички спотови


Еврејската заедница реагира на нејзино инволвирање во изборната кампања преку политички спотови - МИА

Скопје, 10 јули 2020 () – Еврејската заедница денеска преку соопштение реагира на, како што велат оттаму, нејзино инволвирање во политичка кампања преку рекламни спотови на политички партии.

-Во изборната кампања која е во тек, се појавија рекламни спотови на политички партии кои ја инволвираат Еврејска заедница  во политичка кампања, злоупотребувајќи ја историја на Евреите во државава, задираат во суверените права и интимата загарантирани со Уставот на Република Северна Македонија како една од петте признаени верски заедници. Еврејската верска заедница е непартиска и неполичка заедница која се грижи и го негува во континуитетот верскиот живот, традицијата и обичаите на Евреите кои повеќе од два милениума живеат на овие простори. Суверено право на секој граѓанин е да биде активен политички чинител, да гласа и да биде избран, но истакнуваме дека Еврејската заедница и еврејското наследство во Република Северна Македонија не смее и не може да биде никогаш дел од ничии политички кампањи ниту пак рекламерски патриотизам, се вели во соопштението од Еврејската заедница.

Патриотизам, додаваат од Еврејската заедница, е почит, лојалност, посветност и љубов кон сопствената држава и сопствениот народ, да се работи за доброто на сите, притоа, разбирајки ги заложбите и вољата и на најмалите заедници. Членовите на Еврејската заедница се со општо инклузивен и демократски ков, лојални граѓани на земјава и почитувачи на сите нејзини етникуми.

-Факт се бројните жртви кои се дадени за оваа наша татковина за време на НОБ, како и пожртвуваноста на преживеаните од уништувачката војна и сите други историски предизвици. Малуборјни, без никој свој, без дом останаа во своето гнездо и како и отсегогаш заедно со своите сограѓани ја идигнаа од пепел својата заедница и својата Македонија, сочувувајки ја и обновувајки ја еврејската вера, традиција и култура. Потенцираме дека останаа тука, не заминаа надвор од државата и со гордост себе се нарекуваа и се нарекуваме македонски Евреи. Со жалење можеме да констатираме дека одредени политички субјекти, невладини организации, државни претставници и институции како и индивидуи не само што не ги почитуваат ставовите и мислењата на Еврејската заедница туку работат против нејзините интереси без притоа да се консултираат и ги слушнат аргументите, велат од Еврејската заедница.

Со години наназад, Еврејската заедница и Фондот на холокаустот на Евреите од Македонија, се посочува во соопштението, максимално вложуваат во зачувување на најстарите Сефардски гробишта на Балканот, кои потекнуваат од 1497 година. Освен за еврејските гробишта во Битола, подеднакво се води грижа и за еврејските гробишта во Скопје и во Штип. Тие беа, се и ќе бидат свето место за македонските Евреи, наш верски, културен и национален аманет.

-Во однос на предходното, ги потсетуваме сите самонаречени, знајни и незнајни добронамерници и доброчинители дека за човештвото гробовите се место за почит и вечен мир. Не допуштаме било каков вид на инструментализации на нашите вечни почивалишта од страна на политички субјекти, интересовни групи, невладини организации, владини институции, сегашни и идни пратеници и можни функционери,
како и амбасадори на странски држави акредитирани во Република Северна Македонија, поединци и подржувачи од земјата и странство. Нашите Еврејски гробишта во Битола не се повод за самопромовирање на поединци и организации ниту простор за бизарна промоција на гробиштата како туристичка атракција и спектакл. Во едно демократско, мултиетничко и мултиконфесионално општество, какво што е Северна Македонија ваквото однесување е недозволиво. Спротивно на ова, истакнуваме дека Еврејската заедница секогаш била, е и ќе биде благодарна на сечија подадена рака за партнерска соработка и ќе возврати со почит, се вели во сооптението од Еврејската заедница на Република Македонија.


Нови 29 позитивни на КОВИД-19 од 349 тестирања во изминатите 24 часа - МИА
Вести

Нови 74 случаи со Ковид-19, тројца починати, 90 оздравени пациенти

Скопје, 3 август 2020 () – Во последните 24 часа се направени 689 тестирања, а регистрирани се 74 нови случаи со Ковид-19 во: Скопје-14, Куманово-8, Штип-13, Струга-1, Кавадарци-3, Гостивар-22, Кочани-1, Берово-3, Виница-4, Свети Николе-3, Кичево-2. […]

Џафери ќе ја води конститутивната седница - МИА
Вести

Џафери ќе ја води конститутивната седница

Скопје, 3 август 2020 () – Претседателот на Собранието во заминување Талат Џафери утре ќе претседава со конститутивната седница на Собранието, потврдија од неговиот кабинет. -Претседателот Џафери излезе од болница и е во многу добра […]

Ковид-19 најризичен за постарите лица, почитувањето на мерките клучно за нивна заштита - МИА
Вести

Ковид-19 најризичен за постарите лица, почитувањето на мерките клучно за нивна заштита

Скопје, 3 август 2020 () – Ковид-19 предизвикува поголема смртност кај лица на возраст над 60 години и кај лица со основни медицински состојби, како што се кардиоваскуларни заболувања, хронична респираторна болест, дијабетес и карцином. […]

Биди првиот кој ќе коментира

Вашиот коментар

Твојата е-маил адреса нема да биде објавена.


*