Деркоски за МИА: ДИК направи максимални напори да се организираат безбедни и транспаретни избори



Деркоски за МИА: ДИК направи максимални напори да се организираат безбедни и транспаретни избори - МИА

Скопје, 11 јули 2020 () – Претседателот на Државната изборна комисија Оливер Деркоски на два дена пред почетокот на тридневното гласање за предвремените парламентарни избори на 15 јули за оценува дека Комисијата направила максимални напори да се организираат безбедни и транспаретни избори.

Очекува гласањето и 15 јули да поминат мирно и достоинствено и оти нашите граѓани ќе покажат високо ниво на политичка свест и култура. Ги повика граѓаните да излезат и да гласаат и да бидат сигурни дека се здравствено заштитени.

– Би сакал да ги повикам граѓаните да излезат и да гласаат и притоа да бидат сигурни дека на избирачките места се сосема сигурни и здравствено заштитени затоа што ние ги дезинфициравме сите гласачки места, обезбедивме доволни количини заштитни средства за сите членови на изборната администрација но и за секој граѓанин кој евентуално нема заштитна маска, доволно дезинфициенси, ракавици и доволно пространи избирачки места.

Во целост ви го пренесувамеинтервјуто со Деркоски, кој деновиве беше заедно со вработени во ДИК кои го распределуваа доверливиот избирачки материјал во општинските изборни комисии во шесте изборни единици во земјата.

Дали Државната изборна комисија е целосно подготвена за спроведување на предвремените парламентарни избори на 15 јули?

Можам да потврдам дека се она што беше надлежност на ДИК се спроведе и се направија максимални напори да се организираат безбедни и транспарентни избори.

Успеавте ли да ги реализирате сите планирани подготвителни активности, имајќи предвид дека на пример се доцнеше со формирање на посебните избирачки одбори поради постојаните барања за изземање од здравствените работници?

Не се доцнеше со формирање туку имаше барања за изземање по кои комисијата брзо реагираше и тоа ќе го правиме додека дозволуваат условите затоа што имаме разбирање за здравствените работници.

Какви изборни денови очекувате, имајќи предвид дека овој пат се гласа на 13,14 и 15 јули кога гласањто е од 7 часот наутро до 21 часот, односно за два часа продолжено? 

Се надевам дека и покрај специфичните услови во кои се организираат овие избори изборните денови ќе поминат мирно и достоинствено со што нашите граѓани ќе покажат високо ниво на политичка свест и култура.

Кога би можеле да ги дознаеме првичните резултати од гласањето на 15 јули, како и одѕивот на гласачите? 

Оваа година со примена на нова апликација, претседателите и замениците на избирачките одбори ќе имаат обврска да доставуваат податоци за излезноста по истекот на секои два часа во текот на денот, а по затворањето на гласачките места и по утврдувањето на резултатот со помош на истата апликација ќе се овозможи брз трансфер на резултатите со што ДИК ќе може да излезе со првични не официјални резултати многу брзо.

Каква е вашата порака до граѓаните, до изборната администрација, но и до сите учесници на изборите? 

Би сакал да ги повикам граѓаните да излезат и да гласаат и притоа да бидат сигурни дека на избирачките места се сосема сигурни и здравствено заштитени затоа што ние ги дезинфициравме сите гласачки места, обезбедивме доволни количини заштитни средства за сите членови на изборната администрација но и за секој граѓанин кој евентуално нема заштитна маска, доволно дезинфициенси, ракавици и доволно пространи избирачки места.

Елизабета Велјановска Најдеска

фото: архива

 


Вести

Дневен преглед на состојбата со Ковид-19 во светот

Според последните податоци, досега во светот 33.951.767 лица биле заразени со новиот коронавирус. Како резултат на Ковид-19, починале 1.014.644 пациенти, а се опоравиле 25.217.358 лица. Во последните 24 часа во Германија се регистрирани 1.798 нови […]

Вести

Објавени распореди на часовите за наставата на МРТ

Учениците кои немаат ИТ-уреди за да следат онлајн-настава преку платформата, часови ќе  гледаат на Македонската радио-телевизија на која секој ден ќе бидат прикажувани 15-минутни видеа за секој наставен час. Часовите ќе почнуваат во 8.30 часот […]

Вести

Регистрирани 194 новозаразени, починаа 2 лица

Во последните 24 часа се направени 1697 тестирања, а регистрирани се 194 нови случаи на ковид-19 во: Скопје-77, Куманово-9, Дебар-3, Штип-5, Прилеп-11, Тетово-16, Струга-3, Велес-5, Битола-6, Охрид-2, Кавадарци-3, Гостивар-5, Гевгелија-1, Струмица-9, Крива Паланка-3, Радовиш-6, Кочани-10, […]

Биди првиот кој ќе коментира

Вашиот коментар

Твојата е-маил адреса нема да биде објавена.


*