Поповски за МИА: Изјавите на Каракачанов и Ковачев се индивидуални, битни се меѓувладините релации

Бугарскиот вицепремиер и министер за одбрана Красимир Каракачанов и европратеникот Андреј Ковачев во изминатите денови излегоа со низа реторични изјави кон Македонија. Каракачанов најави дека ќе го оспори членството на Македонија во ЕУ, оти не го признава македонскиот јазик, како и дека Македонија ја фалсификува историјата додека пак Ковачев, рече дека за него македонскиот јазик е западнобугарски дијалект и оти посакува релацијата меѓу Македонија и Бугарија да е како онаа на Грција и Кипар.

МИА консултираше експерти да ги оценат овие изјави, и како тие, според нив, можат да влијаат на македонско-бугарските односи.

Професорот Владо Поповски, во изјава за МИА, оцени дека овие изјави треба да се сфатат како индивидуални, како лично мислење, иако некои од нив имаат и некои официјални позиции, на пример како министерот Каракачанов или како европратеникот Андреј Ковачев. Тој, меѓутоа, смета дека релациите меѓу бугарската Влада и македонската Влада со потпишаниот Договор за пријателство и соработка се едно друго ниво и еден друг однос на Бугарија кон Македонија.

– Ќе има веројатно и други изјави и тие повеќе зборуваат, укажуваат на тоа дека треба да се остави релацијата да функционира меѓу Владите, заедничката комисија да продолжи да работи околу учебниците, а некои нејасни работи дали постои македонски јазик или не постои македонски јазик нека остават на науката, на славистиката, па конечно и во Бугарија има претставници и од науката кои имаат различно мислење во однос, на пример, на изјавата и на Кракачанов и на Ковачев, рече Поповски за МИА.

Смета дека денес да спориме и да се нервираме со поединци нема никаква смисла, затоа што во славистичката наука, посочи тој, почнувајќи од Харвард до Москва има светски слависти кои го имаат искажано својот став за постоење на македонскиот јазик во заедницата на словенските јазици, бидејќи тој не се преклопува ниту со бугарскиот, ниту со српскиот јазик.

–  Ковачев покажа на телевизија, видовме еден документ писмо од Битола од 1862 година кое што е пишувано на бугарски јазик. На Ковачев можеме да му покажеме многу документи на пример од Битола, од истиот тој период од 1850, 60, 70 година што се пишувани на пример на грчки јазик, на српски јазик, на македонски говорен јазик со грчки букви, или на македонски говорен јазик со словенска ортографија, рече Поповски.

Посочи дека станува збор за еден период во кој Македонија немаше своја држава, немаше ниту стандардизиран јазик, но имаше говорен јазик и оти не треба да се заборави дека во таа иста деценија крајот на 50 и 60-тите години има учебници пишувани на македонски јазик.

– Тука се на пример учебниците на Партенија Зографски, учебниците на македонски јазик на Кузман Шапкарев, подоцна нешто во Бугарија на пример во Пловдив има издадено драма за Димитар војвода на македонски јазик, драма во еден чин, има на пример кај Мачуковски 1871 година обид дека пишува граматика на македонскиот јазик и слично, што значи во една ситуација во која што блиските словенски народи, преку писмата имаат оставено траги, истакна Поповски.

Потсети дека во Бугарија, покрај изјавите на Каракачанов и Ковачев, има и други реакции кои не ги одобруваат нивните изјави.

Смета дека од учебниците треба да се отстрани говорот на омраза и во Бугарија и во Македонија.

– Полето на науката мора да биде отворено на истражување. Не може науката да зависи од политички став. Меѓутоа овој политички договор меѓу Македонија и Бугарија е надминување на антимакедонскиот и антибугарскиот принцип, или став, што се претвора во априорно непријателско расположение и во говор на омраза меѓу два извонредно блиски народи, како што блискоста на македонскиот народ е исто така и со српскиот народ, и прашањето на заедничката историја не е само со Бугарија, рече Поповски.

Во изјавата за МИА Поповски оцени дека од најрана доба до денес и тие генерации знаеле да живеат заедно и во добро и во лошо и да си помагаат, а фактите што имаат историско зачење треба да се изнесуваат апсолутно со документи во науката, да се публикуваат и да се дискутира за сешто имаат како аргументи и други соговорници во тој ист процес.

Неда Димова Прокиќ

Вести

Јавна седница на Државната изборна комисија

Државната изборна комисија денеска ќе одржи јавна седница на која, како што е најавено, треба да бидат разгледани и освоени процедури и правилници за начинот и постапката за поднесување, прием и потврдување на кандидатски листи; […]

Вести

Правосудниот испит пак ќе се полага усмено и писмено пред стручна комисија

Воведување усмено и писмено полагање на правосудниот испит пред стручна комисија, врз основа на мерливи и објективни критериуми за процена на знаењето на кандидатите, предвидуваат измените и дополнувањата на Законот за правосудниот испит, што е […]

Вести

Нов пакт меѓу Франција и Германија

Емануел Макрон и Ангела Меркел денеска треба да го потпишат текстот на договор за јакнење на француско-германските односи за да испратат позитивна порака до Европската унија ослабена со порастот на национализам, јавува дописникот на МИА. Потпишувањето […]

Вести

Нови рочишта за „Титаник“ и „Титаник 3“

Во Кривичниот суд денеска продолжува судењето за предметот „Титаник“, што се однесува на изборни нерегуларности. На последното рочиште беа презентирани материјални докази – документи, списоци од избирачки места, телефонски разговори Во овој случај обвинети се […]

Вести

Схенк: Русија не стои зад лажните вести од Македонија

Ловецот на лажни вести кој ја откри кумановската мрежа, Мартен Схенк, во интервју со дописничката на МИА во Брисел, раскажува како успеал да ги пронајде членовите. Тој вели дека не станува збор за организиран бизнис […]

Балкан

Продолжува комисиската расправа во грчкиот Парламент за Преспанскиот договор

Во 10.30 часот по локално време, денеска продолжува расправата на Комисијата за национална одбрана и надворешни работи во грчкиот Парламент за нацрт закон според кој се ратификува и стапува на сила Договорот од Преспа, јави […]

Интересно

Муралите на Универзитетот Нотрдам ќе бидат покриени поради политичка коректност

Универзитетот Нотрдам во САД соопшти дека ќе ги покрие муралите на оваа католичка образовна установа, кои го прикажуваат пристигнувањето на Кристофер Колумбо во Америка. Тоа следи по критиките дека тие се навредливи и понижувачки кон домородните […]

Интересно

Бон Џови дели бесплатни оброци за државните службеници што останаа без плата

Ресторанот на рокерот Џон Бон Џови во Њу Џерси ќе им дели бесплатен оброк на државните службеници кои останаа без плата поради делумното блокирање на работата од американската Федерална влада. На официјалната страница на ресторанот […]

Интересно

Неуспешен обид за Гинисов рекорд (ФОТО)

Дечково испратил официјално барање до канцеларијата на Гинисови рекорди во Њу Јорк да пратат свои претставници кои би го забележале неговиот рекорд. Се пофалил дека може да го запамти бројот pi до две цифри. И […]

Први оставете коментар

Вашиот коментар пишете го во празното поле:

Вашата емаил адреса нема да биде објавена.


*